اوکراینادا محاربه باشلایان‌دان ایندییه‌دک 228 اوشاق اؤلوب

روسیانین اوکراینایا هوجوم‌لاری نتیجه‌سینده 238 اوشاغین اؤلدوگو بیلدیریلیر.

1832426
اوکراینادا محاربه باشلایان‌دان ایندییه‌دک 228 اوشاق اؤلوب

اوکراینا باش ساووجیلیغی می‌ین 26-سی سحر ساعات‌لارینا اولان معلوماتینا گؤره، روسیانین اوکراینایا هوجوم‌لاری نتیجه‌سینده 238 اوشاق حیاتینی ایتیریب، 433 اوشاق ایسه یارالانیب.

معلوماتدا رقم‌لرین سون معلومات اولمادیغی، موقتی ایشغال آلتیندا اولان و آزاد ائدیلمیش اراضی‌لرده آشکارلاما ایشلری‌نین داوام ائتدیگی بیلدیریلیب.

آچیقلامادا اوکراینانین بیر چوخ شهری‌نین بومبالانماسی نتیجه‌سینده حربی منطقه‌لرله یاناشی بیر چوخ اجتماعی بینانین دا ضرر گؤردوگو، خسارت آلمیش 848 تحصیل موسسه‌سیندن 173-نون تامامیله داغیلدیغی قئید ائدیلیب.

بو باره‌ده اوکراینا ساوونما ناظیرلیگی‌نین مطبوعات کاتیبی آلکساندر موتوزیانیک بیلدیریب:

"روسیانین اؤلکه‌میزه قارشی گئنیش میقیاس‌لی تجاووزونون ان فعال مرحله‌سینده اولدوغونو موشاهیده ائدیریک. اوکراینانین دوغو جبهه‌سینده وضعیت سون درجه آغیردیر، اؤلکه‌نین تالعی اورادا معین ائدیلیر".

قئید ائدک کی، روسیا عسگرلری فوریه‌نین 24-ده اوکراینایا هوجوما کئچیب.



ایلگیلی‌لی خبرلر