اوکراینا: سون بیر گونده ۴۰۰ روس عسگری اؤلدورولدو
اوکراینا ساوونما باخانلیغیندان وئریله‌ن یازیلی آچیقلامادا، سون گونده روسیا اوردوسون‌دان ۴۰۰ عسگرین داها اؤلدورولدوگو وورغولاندی
اوکراینا سون بیر گونده روسیا اوردوسون‌دان داها ۴۰۰ عسگرین اؤلدورولدوگونو بیلدیردی.
اوکراینا ساوونما باخانلیغیندان وئریله‌ن یازیلی آچیقلامادا، ساواش باشلایاندان بو یانا روسیا اوردوسونا عاید ۲۸ مین ۳۰۰ عسگر، ۲۰۲ اوچاق، ۱۶۷ هلیکوپتر، ۱۲۵۱ تانک، ۳ مین ۴۳ زره‌لی آراج، ۵۸۶ توپ، ۱۹۹ راکت آتار و ۹۱ هاوا ساوونما سیستمینین اوکراینا طرفیندن یوخ ائدیلدیگی ایفاده ائدیلدی. آچیقلامادا سون گونده روسیا اوردوسون‌دان ۴۰۰ عسگرین داها اؤلدورولدوگو وورغولاندی.
روسیا سلاحلی گوجلرینه عاید ۲۱۳۷ آراج، ۱۳ گمی و یونگول سرعتلی قاییق، ۴۴۱ اینسانسیز هاوا آراجی و ۴۳ اؤزل تجهیزاتین دا امحاء ائدیلدیگی بیلدیریلن آچیقلامادا، روسیا اوردوسونون آتدیغی ۱۰۲ کروز موشکینین ده اوکراینا هاوا ساوونما بیرلیکلری طرفیندن وورولدوغو ایفاده ائدیلدی.
روسیا ساوونما باخانلیغینین ۲۵ مارسدا وئردیگی آچیقلامادا اوکراینادا ۱۳۵۱ روس عسگرینین اؤلدوگو آچیقلانمیشدی.
روسیا عسگرلری ۲۴ فوریه‌ده اوکراینایا سالدیری باشلاتمیشدی.
