پوتین: "تحریم لر بؤیوک قلوبال بحرانا سبب اولور"

روسیا پرزیدنتی ولادیمیر پوتین پایتاخت مسکوادا حکومت رسمی‌لری ایله گؤروشده اؤلکه اقتصادیاتی ایله باغلی آچیقلاما وئریب.

1826213
پوتین: "تحریم لر بؤیوک قلوبال بحرانا سبب اولور"

باتی اؤلکه‌لری "دار پرسپکتیو‌دن اؤلکه‌مه قارشی تحریم لر تطبیق ائتمکله اؤز میللی ماراق‌لارینا زیان وورور و هرطرف‌لی قلوبال بحرانا سبب اولور".

بونو روسیا پرزیدنتی ولادیمیر پوتین پایتاخت مسکوا-دا حکومت رسمی‌لری ایله گؤروشده اؤلکه اقتصادیاتی ایله باغلی وئردیگی آچیقلامادا دئییب.

روسیانین خاریجدن قایناق‌لانان چتین خاریجی شرط‌لر آلتیندا ایشلمه‌یه داوام ائتدیگینی بیلدیرن پوتین "قلوبال چاغیریش‌لاردان و باتی اؤلکه‌لری‌نین تحریم لرینین تضییقیندن دانیشیرام. بو تحریم لر هرطرف‌لی قلوبال بحرانا سبب اولور. دار باخیش آچیسینا، سیاسی حرص لره و روسیا فوبیسینه مالیک اولان بو تحریم لرین معمارلاری اؤز میللی ماراق‌لارینا و اقتصادیات‌لارینا زیان وورور" ایفاده‌لریندن ایستیفاده ائدیب.

آوروپادا تورم ون کسکین آرتدیغینا دقت چکن روسیا لیدری دئییب:

"تورم بعضی اؤلکه‌لرده ایللیک نیسبتده 20 فایزه چاتیب. تحریم لرین داوام ائتدیریلمه‌سی‌نین آوروپا بیرلیگی و اونون وطنداش‌لاری، ائله‌جه ده اونسوز دا آجلیق ریسکی آلتیندا اولان یوخسول اؤلکه‌لر اوچون چوخ آغیر و چتین نتیجه‌لری اولا‌جاق. بو وضعیتین اساس مسئولیتی باتی دؤولت‌لری‌دیر".

بو ایل روسیادا تاریم سئکتوروندا یاخشی محصول گؤزله‌دیک‌لرینی ایفاده ائدن پوتین "بو وضعیت هم روسیانین ایچ طلباتینی اؤدمه‌یه، هم ده قلوبال طرفداش‌لاریمیزا تداروکوموزو آرتیرماغا ایمکان وئره‌جک" دئییب.

اؤتن ایل اؤلکه اقتصادیاتیندا داخی‌لی طلباتین گئریده قالدیغینی قئید ائدن روسیا لیدری دئییب:

"آیریجا، شیرکت‌لرین و وطنداش‌لارین امانت‌لرینده‌کی فوند لار آزالیر. آیدین مسئله‌دیر کی، بون‌لار اقصادیاتین گئدیشاتینا منفی تأثیر گؤستریر و بئله ریسک‌لرین ده آزالدیلماسی واجیب‌دیر".



ایلگیلی‌لی خبرلر