پوتین، اسرائیلدن عذر ایستهدی
پوتین، روس خاریجی ایشلر باخانی سرگئی لاورووون "هیتلرین یهودی اولدوغو" شکلیندهکی ایفادهلری سببیله، اسرائیل باشباخانی نفتالی بنتدن عذر ایستهدی
روسیا دؤولت باشقانی ولادیمیر پوتین، روس خاریجی ایشلر باخانی سرگئی لاورووون "هیتلرین یهودی اولدوغو" شکلیندهکی ایفادهلری سببیله، اسرائیل باشباخانی نفتالی بنتدن عذر ایستهدی.
اسرائیل حکومتی مطبوعات اوفیسیندن وئریلهن آچیقلامایا گؤره، بنت و پوتین تلفندا دانیشدی.
آچیقلامادا، ایکی لیدئرین، لاورووون "هیتلر یهودی اصللی ایدی"، "ان بؤیوک یهودی قارشیدی یهودیلرین اؤزو ایدی" شکلیندهکی ایفادهلرینی اله آلدیغی دا پایلاشیلدی. بنتین لاورووون ایفادهلری اوچون "پوتینین عذرونو قبول ائتدیگی، یهودی خالقینا و هولوکاستا باغلی توتومونو آچیقلادیغی اوچون تشکور ائتدیگی" بیلدیریلدی.
بو تلفن دانیشماسینا باغلی کرملین ساراییندان وئریلهن آچیقلامادا ایسه ولادیمیر پوتینین اسرائیلین ۹ می موستقیللیک گونو سببی ایله نفتالی بنتی و اسرائیل خالقینی قوتلادیغی بیلدیریلدی. آچیقلامادا،
"روسیا دؤولت باشقانی، گتولاردا و توپلاما دوشرگهلرینده ایشگهنجه گؤرهن، نازیلر طرفیندن جزالاندیرما عملیاتلاری سیراسیندا اؤلدورولهن ۶ میلیون یهودیدن یوزده ۴۰ینین سووئت سوسیالیست جمهوریتلر بیرلیگی وطنداشی اولدوغونو خاطیرلاتدی و اسرائیلده یاشایان غازیلره ساغلیق و اسنلیک دیلکلرینی چاتدیرمالارینی ایستهدی" ایفادهلرینه یئر وئریلدی. کرملینین آچیقلاماسیندا پوتینین عذر ایستدیگینه باغلی بیر بیلگی یئر آلمازکن، روس لیدئرین، اسرائیلین موستقیللیک گونو سببی ایله، بنتی و اسرائیل خالقینی قوتلادیغی بیلدیریلدی.
روسیا خاریجی ایشلر باخانی سرگئی لاورووون، هیتلرین یهودی اولدوغو یولونداکی آچیقلامالارینا اسرائیلده ان اوست سویهدن تپکیلر گلمیش، روسیانین تئل آویو ائلچیسی اسرائیل خاریجی ایشلر باخانلیغینا چاغریلمیشدی.
اسرائیل، سوریهدهکی عسگری حرکت اؤزگورلوگونو دقته آلاراق، تمکینلی حرکت ائتدیگی روسیا ایله ایلیشکیلرینی قوروماقدا چتینلیک چکیر.
اسرائیل اوردوسو، روسیانین عسگری اولاراق آکتیو رول اوینادیغی سوریهده، موسکوا ایله خبرلشمه حالیندا ایران و رژیم هدفلرینه چوخ ساییدا هاوا و موشک سالدیریسی گرچکلشدیریر.
ایلگیلیلی خبرلر
ایسرائیل اوردوسو لبنانین گونئیینه هاوا هوجومو ائندیریب
ایسرائیل اوردوسونا مخصوص ساواش اوچاقلاری لبنانین گونئیینده ان آزی 13 دفعه 4 نقطهنی ووروب