تورکیهدن افغانیستانا باشساغلیغی
"افغانیستانین مزار شریف شهرینده ایکی آراجی هدف آلان پاتلامالاردا چوخ ساییدا اینسانین حیاتینی ایتیردیگی و یارالاندیغی بؤیوک بیر کدرله اؤیرنیلمیشدیر"
تورکیه، افغانیستانین مزار شریف شهرینده ایکی آراجی هدف آلان پاتلامالاردا میدانا گلن جان ایتکیلری ایله باغلی باشساغلیغی مئساژی پایلاشدی.
خاریجی ایشلر باخانلیغیندان وئریلهن یازیلی آچیقلاادا،
"افغانیستانین مزار شریف شهرینده ایکی آراجی هدف آلان پاتلامالاردا چوخ ساییدا اینسانین حیاتینی ایتیردیگی و یارالاندیغی بؤیوک بیر کدرله اؤیرنیلمیشدیر" ایفادهسی ایشلهدیلدی.
آچیقلامادا سون دؤنمده افغانیستاندا ترور سالدیریلارینین آرتدیغینا دا وورغو ائدیلهرک بونلار قید ائدیلدی:
"افغانیستاندا سون دؤنمده سیخلاشان بو اینسانلیق دیشی ترور سالدیریلارینی ان گوجلو شکیلده قیناییر، فاعللرینین عدالت قارشیسیندا حساب وئرمهلرینی و بنزر حرکتلرین تکرارلاماسینین اؤنلهنمهسی اوچون لازیم اولان بوتون تدبیرلرین آلینماسینی گؤزلهییریک. حیاتینی ایتیرهنلره اللهدان رحمت، یاخینلاری ایله قارداش افغانیستان خالقینا باشساغلیغی، یارالیلارا عاجل شفالار دیلهییریک".
مزار شریفدهکی ایکی مینی بوس دوراغیندا گرچکلشدیریلن سالدیریدا ۹ نفرین حیاتینی ایتیردیگی، نفرینده یارالاندیغی آچیقلانارکن سالدیرینین مسئولیتینی هله اوستلنن اولمادی.
سالدیرینین شیعه یولچولارین ایچینده اولدوغو آراجلارا ائدیلدیگی ایفاده ائدیلرکن، شهرده گئچهن هفته ده بیر شیعه مسجدی هدف آلینمیش، بو سالدیرینیت مسئولیتینی داعش ترور هؤرگوتو اوستلنمیشدی.