اوکراینا هلاک اولان اوشاق‌لارین سایینی آچیقلاییب

روسیا اوردوسونون اوکراینایا هوجوم‌لاری نتیجه‌سینده 215 اوشاق حیاتینی ایتیریب، 391 اوشاق ایسه یارالانیب.

اوکراینا باش ساووجیسی‌نین وئردیگی آچیقلامادا روسیا اوردوسونون بومباردمان‌لاری نتیجه‌سینده 1500-دن چوخ تحصیل موسسه‌سی‌نین خسارت آلدیغینی، اونلاردان 102-نین تامامیله محو ائدیلدیگی قئید ائدیلیب.

آچیقلامادا روسیانین هوجوم‌لارا باشلادیغی 24 فوریه‌دن بو یانا 215 اوشاغین حیاتینی ایتیردیگی، 391 اوشاغین یارالاندیغی بیلدیریلیب.