روسیا باتی اؤلکه‌لری‌نین اوکراینا‌داکی حرکت‌لری ایله باغلی خبردارلیق ائدیب
اوکراینا تورپاق‌لاریندا سلاح داشییان امریکا و ناتو ماشین‌لارینی "قانونی حربی هدف‌لر" حساب ائتدیک‌لرینی بیلدیریب
روسیا خاریجی ایشلر ناظیری‌نین معاوینی سرگئی ریابکوو اوکراینا تورپاق‌لاریندا سلاح داشییان امریکا و ناتو ماشین‌لارینی "قانونی حربی هدف‌لر" حساب ائتدیک‌لرینی بیلدیریب.
روسیانین تاس خبر آژانسینا موصاحیبه‌سینده سرگئی ریابکوو باتی اؤلکه‌لری‌نین اوکراینا‌داکی حرکت‌لری ایله باغلی دئییب: "امریکا-ین اوکراینایا سلاح دستکی وار. بئله بیر شرایطده امریکا رهبرلیگی ایله اوکراینا‌داکی وضعیتله باغلی دانیشیق‌لار معنا‌سیزدیر.
عینی زاماندا، بیز امریکا-لیلارا و دیگر باتی لیلارا ایضاح ائتمه‌یه چالیشیریق کی، عملیاتیمیزی یاواشلاتما، روسیا حربی بیرلشمه‌لرینه، دونتسک و لوگانسک خالق جمهوریت لرینین یارادیلماسی پروسه سینه ضزر وورماق جهدلری‌نین قارشی‌سی آلینا‌جاق. بیز اونلارا خبردارلیق ائدیریک کی، اوکراینا تورپاق‌لاریندا فعالیت گؤسترن امریکا - ناتو سلاحلی ماشین‌لاری قانونی حربی هدف‌لر حساب ائدیلیر".
روسیا ساوونما ناظیرلیگی‌نین مطبوعات کاتیبی ایگور کوناشنکوو ده بیلدیریب کی، "اوکراینانین روسیا اراضی‌سینه هوجوم‌لاری داوام ائدرسه، روسیا اوردوسو پایتاخت کیئو ده داخیل اولماقلا، قرار قبول ائدن بوتون مرکزلری ووراجاق.
اوکراینا حربی بیرلشمه‌لری روسیا فدراسیونو اراضی‌سینه هوجوم ائده‌رک تخریباتا جهد ائدیر. بو حال‌لار داوام ائدرسه، روسیا سلاحلی قوه‌لری ایندییه قدر وورمادیغی کیئو-ده داخیل اولماقلا قرار قبول ائتمه مرکزلرینی ووراجاق" ایفاده سینی ایشله دییب.
اوکراینا دوولت باشقانلیق اوفیسی‌نین رهبری آندری یرماک ایسه پایتاخت کیئوه روسیانین مومکون هوجوم‌لارینا توخونا‌راق دئییب: "بیز ایستنیلن سناریویا حاضیریق، روسیانین هئچ بیر سناریوسو ایشلمه‌یه‌جک. رسمی کرملین سلاح‌سیز سیویل اها‌لی ایله موباریزه آپارماغی بیلیر. روسیا گله‌جک اولوسلار آراسی محکمه‌ده بوتون جینایت‌لرینه گؤره جاواب وئره‌جک".
ایلگیلی‌لی خبرلر
ایسرائیلین غزه زولاغینا هوجوملاریندا اؤلو سایی آرتیب
حیاتینی ایتیرنلرین سایینین 33 مین 899-آ، یارالیلارین سایینین ایسه 76 مین 664-ه یوکسلدیگی بیلدیریلیب
