اوکراینا: روسیا حربی حیسهلرینی گوجلندیرمکده داوام ائدیر
اوکراینا باش قرارگاهیندان وئریلن آچیقلامادا روسیا اوردوسونون اوکرایناداکی حرکتلری ایله باغلی معلومات وئریلیب.
اوکراینا باش قرارگاهی ادعا ائدیب کی، روسیا اوکراینا اراضیسینده یئرلشن حربی حیسهلرینی گوجلندیرمکده داوام ائدیر.
اوکراینا باش قرارگاهیندان وئریلن آچیقلامادا روسیا اوردوسونون اوکرایناداکی حرکتلری ایله باغلی معلومات وئریلیب.
روسیانین اوکرایناداکی حربی حیسهلرینی گوجلندیردیگی ادعا ائدیلن بیاناتدا "روسیادا حربی حیسهلرین یئر دییشمهسی، قوموتا – نظارت سیستمینین گوجلندیریلمهسی، قوشونلارا مادی-تکنیکی دستک وئریلمهسی ایستیقامتینده آددیملار آتیلیر" دئییلیر.
بو سببدن روسیانین دوغو و مرکزی حربی بؤلگهلریندن اوکراینا سرحدیندهکی بلگورود، ورونژ و کورسک بؤلگهلرینه حربی بیرلشمهلرین یئرلشدیریلدیگی ادعا ائدین بیاناتدا دئییلیب: "ایشغالچیلار خارکوو شهرینی قیسمن محاصرهیه آلماغا داوام ائدیر. اورادا خارکوو شهری اوچون موناقیشهلرین شدت لنمهسی احتیمالی وار" .
اوکراینانین لوگانسک بولگه سل حربی قوه لرینین صدری سرگئی گایدای بیلدیریب کی، روسیا اوردوسو بوتون دونباس بؤلگهسینی اله کئچیرمهیه چالیشیر.
گلهجکده دونباس اوچون قارشیدورمالارین داها دا شدتلهنهجگینی بیلدیرن گایدای "بؤلگهده حربی گوج و تجهیزاتین ییغیلدیغینی گؤروروک. بونا حاضیرلاشیریق" دئییب.
روسیا حربی قوهلرینین اوکراینانین روبیجن شهرینه هوجوم ائتدیگی بارهده معلوماتی پایلاشان گایدای توپلوما خبردارلیق ائدهرک، "یئنیدن شیمیایی هوجوم ائدیلدی. راکتلر روبیجن یاخینلیغینداکی اسید نیتریک مخزنینه دوشدو. اؤزونوزو قورویون. اگر قاپالی محیطده سینیزسه ، قاپی و پنجرهلری باغلایین" دئیه بیلدیریب.
ایلگیلیلی خبرلر
ایسرائیلین غزه زولاغینا هوجوملاریندا اؤلو سایی آرتیب
حیاتینی ایتیرنلرین سایینین 33 مین 899-آ، یارالیلارین سایینین ایسه 76 مین 664-ه یوکسلدیگی بیلدیریلیب