روسیا: اوکراینا اوردوسونون ۱۷ حربی آلتیاپیسی وورولدو
"اوکراینادا گون ایچینده حیاتا گئچیریلهن اوچاق یالدیریلاریندا ۱۷ حربی آلتیاپی عنصورو یوخ ائدیلدی"
روسیا ساوونما باخانلیغی مطبوعات سؤزچوسو ایگور کوناشنکوو، اؤتن گون اوکراینا اوردوسونون ۱۷ حربی آلتیاپیسینین یوخ ائدیلدیگینی بیلدیردی.
کوناشنکوو، موسکوادا وئردیگی آچیقلامادا، روسیا اوردوسو و دونباسداکی آیریلیقچی سؤزده یؤنتیملرین اوکراینادا ایرلیلهییشلرینی داوام ائتدیردیگینی بیلدیردی.
روسیا حربی گوجلرینین اوکرایناداکی حربی آلت یاپی تاسیسلرینه سالدیریلارینی داوام ائتدیردیگینی دئیهن کوناشنکوو، "اوکراینادا گون ایچینده حیاتا گئچیریلهن اوچاق یالدیریلاریندا ۱۷ حربی آلتیاپی عنصورو یوخ ائدیلدی" دئدی.
کوناشنکوو، "بو گونه قدر اوکراینا اوردوسونا عاید ۱۲۵ اوچاق، ۹۱ هلیکوپتر، ۳۹۴ اینسانیز هاوا آراجی، ۲۲۶ هاوا ساوونما سیستمی، ۱۹۴۸ تانک و زرهلی آراج، ۲۱۲ راکت آتار، ۸۳۸ هویتزر و توپ، ۱۸۴۲ اؤزل حربی ماشین وورولدو" ایفادهلرینی ایشلتدی.
ایلگیلیلی خبرلر
ایسرائیل اوردوسو لبنانین گونئیینه هاوا هوجومو ائندیریب
ایسرائیل اوردوسونا مخصوص ساواش اوچاقلاری لبنانین گونئیینده ان آزی 13 دفعه 4 نقطهنی ووروب