روس اوردوسونون کیئو و چرنیقوودان چکیلمهسی داوام ائدیر
اوکراینا باش قرارگاه باشقانلیغینین فیسبوک حسابیندان وئریلهن آچیقلامادا، روسیا-اوکراینا ساواشینین ۳۴.جو گونونده سون وضعیت دگرلندیریلدی
اوکراینا باش قرارگاه باشقانلیغی، روس اوردوسونون کیئو و چرنیقوو بؤلگهلریندن چکیلمهسینین داوام ائتدیگینی بیلدیردی.
باش قرارگاه باشقانلیغینین فیسبوک حسابیندان وئریلهن آچیقلامادا، روسیا-اوکراینا ساواشینین ۳۴.جو گونونده سون وضعیت دگرلندیریلدی.
روس اوردوسونون کیئو شهرینی قوشادما وظیفهسینی یئرینه گتیرهبیلمهدیگی ایفاده ائدیلهن آچیقلامادا، کیئو و چرنیقوو بؤلگهلریندن چکیلمهیه داوام ائدن روس اوردوسونون احتیمالاً بیرلیکلرینی اؤلکهنین دوغو ایستیقامتینده متمرکز ائدهجگی ایفاده ائدیلدی.
آچیقلامادا، دونتسک ایستیقامتینده سالدیریلارینا داوام ائدن روس اوردوسونون، کرمینا و ماریوپول مسکون بؤلگهلرینه هاوا و موشک سالدیریلاری تشکیل ائتدیگی و استپنوگورسک، اوریخوو و گولیایپوله مسکون بیریملرینین یاخینینداکی اوکراینا ساوونما گوجلری بیریملرینین مؤوضعلرینه توپلا آتیش ائتدیگی ایفاده ائدیلدی.
آیریجا، روس اوردوسونون قارادنیز و آزاق بؤلگهلرینین یانی سیرا وولینسک، پولینسک، سیورسک، تاوریچسکویه و سلاویانسک یئرلشیم بیریملرینی الینده توتماغا چالیشدیغی، لوهانسک بؤلگهسیندهکی پوپاسنا، روبیژنه یئرلشیملرینین کنترلونو و ماریوپول شهرینی ده اله گئچرمهیه چالیشدیغی قید ائدیلدی.
اوکراینا باشباخان کؤمکچیسی ایرینا ورشوک، اینسانی دالانلارین آچیلماسی طلبینی روس طرفینه چاتدیردیقلارینی بیلدیردی.
ورشوک، گوندهلیک باسین توپلانتیسیندا، ایستانبولداکی گؤروشمهلرده، اوکراینا مذاکیره هیئتینین روس طرفینه، ان بؤیوک شهرلری اولان ماریوپول، خارکوو، چرنیقوو و کیئو بؤلگهسیندهکی شهرلره اینسانی دالانلارین عاجل اولاراق آچیلماسی طلبینی بیلدیردیگینی ایفاده ائتدی.
اوکراینانین زاپوریژیا بؤلگهسیندهکی واسیلیوکا شهریندن بردیانسک ایستیقامتیندهکی یولون آچیلماسینی ایستهدیکلرینی ایفاده ائدن ورشوک، تخلیه ایشلرینین، ماریوپول، بردیانسک، ملیتوپول و انرگودار شهرلریندن ائدیلهجگینی دیله گتیردی.
ورشوک، سون ۲۴ ساعاتدا ماریوپول شهریندن ۹۳۶ و زاپوریژیا بؤلگهسیندن ۷۲۹ نفری چیخاردیقلارینی قید ائتدی.
روس عسگرلری ۲۴ فئورالدا اوکراینایا سالدیری باشلاتمیشدی.
ایلگیلیلی خبرلر
غزه اوردونون غرب ساحیلیندهکی حادثهلر
غزهده آتشکسین قوهیه مینمهسی ایله بؤلگهدهکی داغینتیلار اوزه چیخیر.
فیلیسطینلی قاچقینلار دوشرگهسینده حیاتا کئچیریلن هوجومدا ۱ فیلیسطینلی اؤلوب، ۴ نفر یارالانیب
ایسرائیل مطبوعاتینا دانیشان حربی منبع بیلدیریب کی، هوجوملارین بیر نئچه گون داوام ائدجهیی گؤزلنیلیر
