لاوروو: باتیلی اؤلکه‌لر روسیانی یوخ ائتمک ایسته‌‌ییر

"دونیانین هر یئریندن چوخ ساییدا دوستوموز، متفیقیمیز و اورتاغیمیز وار"

1801998
لاوروو: باتیلی اؤلکه‌لر روسیانی یوخ ائتمک ایسته‌‌ییر

روسیا خاریجی ایشلر باخانی سرگئی لاوروو، باتیلی اؤلکه‌لرین روسیانی یوخ ائتمک ایسته‌دیگینی ایفاده ائد‌رک،

"(باتیلیلار) روسیایا قارشی بوتونلوکلو، هیبرید ساواش اعلان ائتدی" دئدی.

لاوروو، باشکند موسکوادا تشکیل ائدیله‌ن گورچاکوو دیپلومات وقفی توپلانتیسیندا دانیشدی.

آوروپاداکی سیاستچیلرین، "هیتلر آلمانیاسیندا" ایستیفاده ائدیله‌ن "کامل ساواش" اصطلاحینی روسیایا قارشی ایستیفاده ائتدیکلرینی ادعا ائدن لاوروو،

"(باتیلیلار) روسیایا قارشی بوتونلوکلو، هیبرید بیر ساواش اعلان ائتدی. هدفلری گیزلی دئییل، روس اقتصادینی و بیر بوتون اولاراق روسیانی یوخ ائتمک و بوغماق علناً اعلان ائتدیلر" دئیه دانیشدی.

روسیانین تجرید ائدیله‌بیلمه‌یه‌جیینه ایشاره ائد‌ن لاوروو،

"دونیانین هر یئریندن چوخ ساییدا دوستوموز، متفیقیمیز و اورتاغیمیز وار" ایفاده‌سینی ایشلتدی.

لاوروو، باتیلیلارین، بیرلشمیش میللتلر قرارلارینا تأثیر ائتمک اوچون تحریک ائدیجی بیر تبلیغات یئریتدیگینی ایفاده ائد‌رک،

"باتی دیشیندا‌کی دونیا اؤلکه‌لرینین بؤیوک اکثریتی، تک طرفلی اوینانان بیر اویونا گیرمک ایسته‌میر. بؤیوک بیر باسقی آلتیندادیرلار" دئدی.

اوکراینا رهبرلیگینین نوکلئر سلاح الده ائتمه‌سینه دایر آرزوسوندان اؤترو قایغی دویدوقلارینی ایفاده ائد‌ن لاوروو،

"عینی شکیلده، پنتاگونون اوکرایناداکی عسگری-بیولوژیک پروگرامینی گرچکلشدیرمک اوزره ان آز اوچ دوجین لابوراتورو قورماسیندان دا قایغی دویوروق" دئیه دانیشدی.



ایلگیلی‌لی خبرلر