اوکراینا تخلیه پروسه‌سی ایله باغلی معلومات پایلاشیب

اوکراینا باش ناظیری‌نین معاوینی ایرینا ورشچوک گون عرضینده 7 میندن چوخ ماریوپل ساکینی‌نین تخلیه ائدیلدیگینی آچیقلاییب.

1800602
اوکراینا تخلیه پروسه‌سی ایله باغلی معلومات پایلاشیب

اوکراینا باش ناظیری‌نین معاوینی ایرینا ورشچوک گون عرضینده 7 میندن چوخ ماریوپل ساکینی‌نین تخلیه ائدیلدیگینی آچیقلاییب.

ایرینا ورشچوک سوسیال شبکه‌ده یاییملادیغی گؤرونتوده اوکراینادا موناقیشه‌لرین باش وئردیگی یئرلردن سیویل لرین تخلیه پروسه‌سی ایله باغلی معلومات پایلاشیب.

ماریوپل ساکین‌لری‌نین تخلیه‌سی اوچون اینسانی یاردیم کوریدورلارینی ایشه سالدیق‌لارینی ایفاده ائدن ایرینا ورشچوک "مین 100 ماریوپل ساکینی بردیانسک شهریندن تخلیه ائدیلیب. بوندان باشقا، 5 مین 926 نفر شخصی ماشین‌لارلا ماریوپل شهریندن اینسانی یاردیم دهلیزلری ایله زاپوریژیا شهرینه چاتیب" دئییب.

ماریوپل-ون بعضی کندلرینده تخلیه‌لرین روس حربی قوه‌لری طرفیندن قارشی‌سی‌نین آلیندیغینی وورغولایان ورشچوک بردیانسک شهرینه طبی و قیدا لوازیمات‌لارینی چاتدیردیق‌لارینی و تخلیه ایشلری‌نین صاباح دا اورادا داوام ائتدیره‌جک‌لرینی بیلدیریب.

اوکراینا رسمی‌لری ادعا ائدیب کی، چرنوبیل نیروگاهینی ضبط ائدن روس قوشون‌لاری اراضی‌دکی لابراتواری "تالان ائدیب‌لر و داغیدیب‌لار".

دؤولت تخلیه بلؤگه‌لری‌نین ایداره ائدیلمه‌سی آژانسی بیلدیریب کی، روس‌لار رادیواکتیو توللانتی‌لاری ایشله‌ین مرکزی آنالیتیک لابوراتوارلارلا جدی زیان ووروب.

دؤولت آژآنسی "فیسبوک"داکی پای‌لاشیمیندا بیلدیریب:

"بو گون دوشمن الینده اولان لابراتورلاردا سون درجه آکتیو نمونه‌لر و رادیونوکلئید نمونه‌لری وار ایدی".

خاریجی ایشلر ناظیرلیگی‌نین مطبوعات کاتیبی اولگ نیکولنکو بیان ائدیب کی، روسیا اوردوسو طرفیندن محاصره‌یه آلینان خرسون شهری اینسانی فلاکت ایله اوز-اوزه‌دیر.

اولگ نیکولنکو سوسیال مدیادا وئردیگی آچیقلامادا روسیا حربی قوه‌لری‌نین خرسونو محاصره‌یه آلماسینا دقت چکیب و بو ایفاده‌لردن ایستیفاده ائدیب:

"روسیا اوردوسونون محاصره سینه گؤره خرسون-ون 300 مین ساکینی اینسانی فلاکت ایله اوز-اوزه قالیب. خرسون-دا ارزاق و داوا ذخیره لری دئمک اولار کی، توکنیب. لاکین روسیا سیویل لرین تخلیه‌سی اوچون اینسانی دهلیزلر آچماق‌دان ایمتینا ائدیر".

روسیانین حرکت‌لرینی "باربارلیق" کیمی قیمتلندیرن نیکولنکو بونا سون قویولماسی‌نین واجیب‌لیگینی وورغولاییب.

پرئزیدئنت اوفیسی‌‌نین رهبری آندری یرماک بیان ائدیب کی، چین روسیانین اؤز اؤلکه‌سینه قارشی باشلاتدیغی محاربه‌نین دایاندیریلماسیندا "اهمیت‌لی" رول اویناما‌لی‌دیر.

آندری یرماک اؤزونون توییتر حسابیندا پای‌لاشیم ائدیب:

"کیئو پکن-ین ساواشین دایاندیریلماسیندا داها مهم رول اوینایاجاغینا اومید ائدیر".

یرماک روسیا پرزیدنتی ولادیمیر زلنسکی ایله چین لیدری شی جین پینگ آراسیندا گؤروش گؤزله‌دیک‌لرینی وورغولاییب.

خاریجی ایشلر ناظبری دمیترو کولبا مارسین 21-ده وئردیگی آچیقلامادا چینه اوکراینا‌داکی وضعیتین حل پروسه‌سینه داخیل ائدیلمه‌سی‌نین واجیب‌لیگینی بیلدیریب.

همین گون چین خاریجی ایشلر ناظیرلیگی‌نین سؤزچوسو وانگ ونبین بیان ائدیب کی، روسیا و اوکراینا آرا‌لاریندا دیالوقو داوام ائتدیرمه‌لی و دانیشیق‌لاردا باریش برقرار اولما‌لی‌دیر.



ایلگیلی‌لی خبرلر