اوکراینا: ۶ روس ژنرالی اؤلدورولدو
"روسیانین بوتون جبهه‌لرده ایر‌لیله‌مه‌سی دوردورولدو. روسیا طرفینین بو گئدیشی ترسینه چئویره‌جک گوجو قالمادی"
اوکراینا، روسیا اوردوسونون باشکند کیئوده‌کی آلیش وئریش مرکزینه تشکیل ائتدیگی سالدیریدا اؤلنلرین ساییسینین ۸ نفره یوکسلدیگینی آچیقلادی.
اوکراینا باش ساوچیلیغیندان وئریله‌ن آچیقلامادا، گئجه ساعاتلاریندا کیئوین پودیلسکی سمتینده آلیش وئریش مرکزینه ائدیله‌ن سالدیریدا بؤیوک ییخیم میدانا گلدیگی بیلدیریلدی.
روسیا اوردوسونون قاداغان اولونموش ساواش آراجلارین‌دان ایستیفاده ائد‌رک سالدیری تشکیل ائتدیگینی معین ائتدیکلری بیلدیریلن آچیقلامادا،
"ایلک بیلگیلره گؤره، ۸ نفر اؤلدو. اؤلن و یارالانانلارا باغلی بیلگیلر دقیقلشدیریلیر. قورتارما قروپلاری و گوونلیک گۆجلری ایشلرینی داوام ائتدیریرلر" ایفاده‌سینه یئر وئریلدی.
اوکراینا دؤولت فؤوق العاده حاللار خیدمتی، سالدیریدا ۴ نفرین اؤلدوگونو، ۱ نفرین یارالاندیغینی آچیقلامیشدی.
اوکراینا درولت باشقانلیغی مشاویری آلکسی آرستوویچ ایسه روسیانین بوتون جبهه‌لرده ایرلیله‌ییشینین دوردوغونو بیان ائتدی.
روسیانین اوکراینایا سالدیریلارینین ۲۵.جی گونونو دگرلندیرن آرستوویچ،
"روسیانین بوتون جبهه‌لرده ایر‌لیله‌مه‌سی دوردورولدو. روسیا طرفینین بو گئدیشی ترسینه چئویره‌جک گوجو قالمادی" دئدی.
روسیادا حربی پرسنله قارشی باسقیلارین باشلادیغینی دا ادعا ائدن آرستوویچ، روسیا فدرال گوونیک خیدمتینین یوخلامالاری نتیجه‌سین‌ده اوردوداکی قوموتانلارین بئله قورخاقلیق و کاراکتئر ضعیفلیگی ایله سوچلانماغا باشلادیغینی ادعا ائتدی.
بو آرادا دؤولت باشقانلیغی مشاویری میخائیل پودولیاک روسیانین اوکراینایا ۲۴ فوریه‌دن بری داوام ائدن سالدیریلاریندا ۶ روس ژنرالینین اؤلدوگونو بیلدیردی.
میخائیل پودولیاک توئیتر حسابیندان ائتدیگی پایلاشیمدا،
"روسیا فدراسیونونون یوکسک روتبه‌لی سوبایلارینین یوکسک اؤلوم نیسبتی دقت چکیر" ایفاده‌لرینی ایشلتدی.
روس سناتور یکاترینا آلتابایئوا دا سوسیال مئدیا حسابیندان وئردیگی آچیقلامادا، ماریوپول‌داکی چاتیشمالاردا روسیانین قارا دنیز دونانماسی قوموتانی یاردیمچیسی، باش آلبای آندرئی پالینین اؤلدوگونو بیلدیردی.
