روسیانین هوجوملاریندا 97 اوشاق حیاتینی ایتیریب
اوکراینانین باش ساووجیسی روسیا-اوکراینا ساواشی زامانی مارسین 24-دن 15-دک اولان هوجوملاردا 97 اوشاغین هلاک اولدوغونو بیلدیریب.

اوکراینانین باش ساووجیسی روسیا-اوکراینا ساواشی زامانی مارسین 24-دن 15-دک اولان هوجوملاردا 97 اوشاغین هلاک اولدوغونو بیلدیریب.
باش ساووجیلیقدان وئریلن معلوماتدا، روسیا سلاحلی قوهلرینین اوکراینادا حیاتا کئچیردیگی هوجوملار نتیجهسینده 100-دن چوخ اوشاغین یارالاندیغی بیلدیریلیب.
بیاناتدا آیریجا "هر گون ان آزی 5 اوشاق بومباردمان آلتیندا اؤلور" ایفادهسیندن ایستیفاده ائدیلیب.
دیگر طرفدن، روسلارین هوجومونا معروض قالان زلنی گای کندیندهکی مکتبین داغینتیلاری آلتیندان 7 جسد تاپیلیب، 3 نفر قورتاریلیب.
نیکولایئو ایالتی فوق العاده حاللار خیدمتینین "فیسبوک" صحیفه سیندن ائتدیگی پایلاشیمدا قئید اولونوب کی، مارسین 13-ده روسلار زلنی گای-داکی مکتبه هاوا هوجومو حیاتا کئچیریب.
هوجوم نتیجهسینده مکتب بیناسینا جدی زیان دیدیگی بیلدیریلیب و قورتارما قروپلارینین سادهجه داغینتیلارین آلتینداکی 7 نفرین جسدینی چیخاردیغی و اوچ نفری خلاص ائتدیگی قئید اولونوب.
دیگر طرفدن، فوکس نیوزون امکداشی پیر زاکروسکی پایتاخت کیئو یاخینلیغیندا اتومبیلینه آتش آچیلاراق دونیاسینی دییشیب.
قئید ائدیلیب کی، عراق، افغانیستان و سوریه-ده ایشلهدیگینی بیلدیریلن زاکروسکی فوریهنین اولیندن اوکراینادا ایشلییر.
اؤتن گون باش وئرن عینی هوجومدا فوکس نیوز کانالینین دؤیوش موخبیری بنجامین هالین یارالاناراق خستهخانایا یئرلشدیریلدیگی آچیقلانیب.
روسیانین اوکراینایا فوریهنین 24-دن داوام ائدن هوجوملاری نتیجهسینده برنت رناود آدلی امریکا-لی ژورنالیستین ده مارسین 13-ده دونیاسینی دییشدیگی بیلدیریلیب.
خاطیرلاداق کی، اوکراینادا اوسیا قوشونلاری فوریهنین 24-ده اوکراینایا حربی هوجوما باشلاییب.
ایلگیلیلی خبرلر

۳ ایسرائیللی اسیر بین الخلق قیرمیزی خاچ قروپلارینا تحویل وئریلیب
آزاد ائدیلن ۳ ایسرائیللی محبوسون موقابیلینده بو گون ۳۶۹ فیلیسطینلی محبوس آزادلیغا بوراخیلاجاق