"هر گون ان آز ۵ اوشاق بومباردمانلار آلتیندا اؤلور"
آنتون گراشنکو: روس ایشغالچیلار، گمیلردن، توزلا کندی یاخینلاریندا اودئسا بؤلگه‌سینده‌کی اوکراینا ساحللرینه راکت و توپ آتیشلارینا باشلادی
اوکراینا باش ساوچیلیغی، روسیا-اوکراینا ساواشیندا ۲۴ فوریه-۱۵ مارس آرالیغیندا روس اوردوسو طرفیندن تشکیل ائدیله‌ن سالدیریلاردا ۹۷ اوشاغین اؤلدوگونو بیلدیردی.
باش ساوچیلیقدان وئریله‌ن آچیقلامادا، روسیا سلاحلی گوجلری طرفیندن اوکراینادا تشکیل ائدیله‌ن سالدیریلار نتیجه‌سینده ۱۰۰دن چوخ اوشاغین دا یارالاندیغی ایفاده ائدیلدی.
آچیقلامادا آیریجا،
"هر گون ان آز ۵ اوشاق بومباردمانلار آلتیندا اؤلور" ایفاده‌سی ایشله‌دیلدی.
اوکراینا ایچ ایشلری باخانی مشاوری آنتون گراشنکو ایسه روس ساواش گمیلرینین، یئرلی ساعاتلا ۰۳:۰۰دا اودئسا ساحللرینه سالدیری تشکیل ائتدیگینی ایفاده ائتدی.
گراشنکو، توئیتر حسابیندان ائتدیگی پایلاشیمدا،
"روس ایشغالچیلار، گمیلردن، توزلا کندی یاخینلاریندا اودئسا بؤلگه‌سینده‌کی اوکراینا ساحللرینه راکت و توپ آتیشلارینا باشلادی".
گمیلرین اوزاق مسافه‌دن بؤیوک میقداردا مهمات آتدیقلاری معلوماتینی پایلاشان آنتون گراشنکو،
"ساحله عسگر چیخارما جهدی اولمادی" دئدی.
اؤته یاندان، روس سالدیریسینا اوغرایان زلنی گای کندینده‌کی اوخولون داغینتیسین‌دان ۷ جسد چیخاریلارکه‌ن، ۳ نفر قورتاریلدی.
نیکولایئو ایالتی عاجل دوروملار سرویسینین فیسبوک حسابیندان ائدیله‌ن آچیقلامادا، ۱۳ مارسدا روسلارین بؤلگه‌یه باغلی زلنی گای کندینده‌کی اوخولا هاوا سالدیریسی تشکیل ائتدیگی خاطیرلادیلدی.
بو سالدیری نتیجه‌سینده اوخول بیناسینین بؤیوک زیانا دوشدوگو و قورتارما قروپلارینین ییخینتی قالدیرما ایشلرینی آنجاق تاماملایابیلدیگی قید ائدیلدی.
آچیقلامادا،
"قورتارما قروپلاری، داغینتی آلتینداکی ۷ نفرین جانسیز بد‌نینه چاتدی، ۳ نفری ده قورتاردی" ایفاده‌سی ایشله‌دیلدی.
روس گوجلرینین باشکند کیئوده‌کی سالدیریسیندا ایسه بیر بینایا ترکش پارچالاری دوشمه‌سی نتیجه‌سی ۲ نفر یارالاندی.
اوکراینا ایچ ایشلری باخانلیغیندان وئریله‌ن بیلگییه گؤره، کیئو مرکزده ۱۲ قاتلی بیر آپارتمانا ترکش پارچالاری اصابت ائتدی.
بینادا یانغین چیخارکه‌ن، یاخینداکی بیر بینادا دا زیان میدانا گلدی.
اطفاعیه قروپلاری یانغینی سؤندوردو، ایکیسی یارالی اولماق اوزره ۳۷ ائو ساکینی ده چیخاریلدی.
اؤته یاندان، آمریکا تلویزیونو کانالی فوکس تی‌وی کامئرامانی، باشکند کیئو یاخینلاریندا ماشینینا آتیش ائدیلمه‌سی نتیجه‌سینده حیاتینی ایتیردی.
داها اول عراق، افغانیستان و سوریه‌ده چالیشدیغی بیلدیریله‌ن زاکرزوسکی‌نین، فوریه باشیندان بری اوکراینادا وظیفه‌ده اولدوغو قید ائدیلدی.
اؤنجه‌کی گون گرچکلشن عینی سالدیریدا، فوکس نیوز خبر کانالی ساواش مخبیری بنجامین هالین یارالاندیغی و خسته‌خانایا قالدیریلدیغی بیلدیریلمیشدی.
روسیانین اوکراینادا داوام ائد‌ن سالدیریلاری نتیجه‌سینده، ۱۳ مارسدا دا برنت رناود آدلی آمریکالی ژورنالیستین اؤلدوگو بیلدیریلمیشدی.
ایلگیلی‌لی خبرلر
ایسرائیل اوردوسو لبنانین گونئیینه هاوا هوجومو ائندیریب
ایسرائیل اوردوسونا مخصوص ساواش اوچاقلاری لبنانین گونئیینده ان آزی 13 دفعه 4 نقطه‌نی ووروب
