زاخارووا:"مقصدیمیز اوکراینادا ایندیکی حاکمیتی دئویرمک دئییل"
روسیا خاریجی ایشلر ناظیرلیگینین سؤزچوسو ماریا زاخارووا اوکراینا ایله دانیشیق‌لارین نؤوبتی راوندلاریندا ایرلیلییشه اومید ائتدیک‌لرینی بیلدیریب
روسیا خاریجی ایشلر ناظیرلیگینین سؤزچوسو ماریا زاخارووا اوکراینا ایله دانیشیق‌لارین نؤوبتی راوندلاریندا ایرلیلییشه اومید ائتدیک‌لرینی بیلدیریب
روسیا بیان ائدیب کی، اوکراینادا مقصدی ایندیکی حاکمیتی دئویرمک دئییل.
روسیا خاریجی ایشلر ناظرلیگی‌نین سؤزچوسو ماریا زاخارووا اوکراینا ایله دانیشیق‌لارین نؤوبتی راوندلاریندا ایرلیلییشه اومید ائتدیک‌لرینی بیلدیریب.
اوکراینا طرفینی سیویل شخص‌لرین تهلوکه‌سیز کئچیدینی تامین ائتمک اوچون مومکون اولان هر شئیی ائتمه‌یه چاغیردیق‌لارینی سؤیله‌ین زاخارووا دئییب: “اومید ائدیریک کی، دانیشیق‌لارین نؤوبتی راوندلاریندا داها مهم آددیم آتیلا‌جاق.
اوکراینانین دینج دانیشیق‌لار یولو ایله "بی طرف ایستاتوسونا قاییتماسی" داها یاخشی اولار. اؤلکه‌نین حاکمیتیندن بو موناسیبتی گؤزلییریک.
روسیا حربی بیرلشمه‌لری‌نین اوکراینا‌داکی میسیونو خالقا قارشی دئییل.
اوکراینایا تجاووز ائتمیریک، مقصدیمیز دؤولتی و ایندیکی حاکمیتی دئویرمک دئییل.
اوکراینادا امریکا خصوصی خیدمت اورقان‌لاری‌نین حمایه‌سی ایله حربی مقصدلر اوچون بیولوژی ماتریال‌لار حاضیرلاندیغینی دفعه‌لرله سؤیله‌دیک. بو اؤلکه‌ده اجنبی دؤیوشچولر وار. اونلار تؤرتدیک‌لری عملیات‌لارا گؤره هئچ بیر مسئولیت داشیمیر.
روسیا عسگرلرینه قارشی هر جور سلاح‌لی فعالیت درحال دایان‌دیریلا‌جاق، خاریجی کؤنول‌لولر و مزدور دؤیوشچولر محو ائدیله‌جک."
