اوکراینا-روسیا دانیشیق‌لاری‌نین ایکینجی تورو

اوکراینانین خاریجی ایشلر ناظبری دمیترو کولبا محاربنی دایان‌دیرماق اوچون روسیا ایله دانیشیق‌لارا حاضیر اولدوق‌لارینی، لاکین روسیانین اولتیماتومونون علیهینه اولدوق‌لارینی بیان ائدیب.

1788764
اوکراینا-روسیا دانیشیق‌لاری‌نین ایکینجی تورو

اوکراینانین خاریجی ایشلر ناظبری دمیترو کولبا محاربنی دایان‌دیرماق اوچون روسیا ایله دانیشیق‌لارا حاضیر اولدوق‌لارینی، لاکین روسیانین اولتیماتومونون علیهینه اولدوق‌لارینی بیان ائدیب.

سوسیال مئدیادا پای‌لاشیم ائتدیگی ویدئودا کولبا روسیا و اوکراینا نوماینده هئیت‌لری آراسیندا دانیشیق‌لارین 1-جی راوندونون فوریه‌نین 28-ده کئچیریلدیگینی قئید ائده‌رک، بو دانیشیق‌لاردا “گئری آددیم آتمادیق‌لارینی” وورغولاییب.

"روس‌لارین طلب‌لری دییشمه‌ییب. بون‌لار (روسیا پرزیدنتی ) پوتین‌ین محاربه‌یه باشلامازدان اول مراجعتینده سسلندیردیگی طلب‌لردیر. بیز دانیشیق‌لارا و دیپلماسی یه حاضیریق، لاکین روسیانین اولتیماتوم‌لارینی قبول ائتمه‌یه حاضیر دئییل‌لیک. یئنی دانیشیق‌لارین نه واخت آپاریلاجاغی هله معلوم دئییل”، - کولبا بیلدیریب.

اوکراینادا هاوا مکانی‌نین راکت‌لردن قورونماسی مسئله سیندن اونلار اوچون اهمیت‌لی اولدوغونو بیل‌دیرن کولبا ناتو-یا اوچوشا قاداغا زوناسی بیاننامه‌سی اوچون مراجعت ائتدیک‌لرینی وورغولاییب.

کولبا دئییب:

"ساوونما باخیمیندان بیزیم ده هاوا مکانی‌نین تهلوکه‌سیزلیگینی تامین ائتمک اوچون آلترناتیو مکانیزم‌لریمیز وار. بیز اوکراینا‌لی‌لاری هاوا‌دان قوروماق اوچون الیمیزدن گلنی ائدجییک".

دیگر طرف‌دن، اوکراینا پرزیدنت آپاراتی‌نین باش موشاویری آلکسی آررستوویچ روسیا ایله دانیشیق‌لارین ایکینجی مرحله‌سی‌نین بو آخشام کئچیریله‌جگینی و بیرینجی راونددا اولان نوماینده هئیت‌لری‌نین ایشتیراک ائدجگینی آچیقلامیشدی.

اوکراینا ایله روسیا آراسیندا دانیشیق‌لارین ایلک راوندو بلاروسون اوکراینا ایله سرحدینده یئرلشن گومل ویلایتینده کئچیریلیب.

ولادیمیر پوتین‌ین موشاویری ولادیمیر مدینسکی‌نین رهبرلیک ائتدیگی روسیا نوماینده هئیتی ایله حاکم خالق پارتیاسی باشچی‌سی داوید آراخامیا و ساوونما ناظیری اولکسی رزنیکووون رهبرلیک ائتدیگی اوکراینا نوماینده هئیتی آراسیندا تخمینن 5 ساعات داوام ائدن دانیشیق‌لار هئچ بیر نتیجه وئرمه‌ییب.

نوماینده هئیت‌لری دانیشیق‌لارین ایکینجی راوندونون کئچیریلمه‌سی باره‌ده راضیلیغا گلیب‌لر.



ایلگیلی‌لی خبرلر