اوکراینادان، ۸۷۴ مین سیغینماچی قونشو اؤلکهلره گئچدی
بیرلشمیش میللتلر سیغینماچیلار یوکسک کمیسرلیگی، اوکراینادا گرگینلیین داها دا آرتماسی حالیندا ۴ میلیون قدر وطنداشین اؤلکهدن قاچابیلهجگی اویاریسی ائدیر
بیرلشمیش میللتلر، اوکراینادان دونن اعتباریلا روسیا سالدیریلاریندان قاچان ۸۷۴ مین سیغینماچینین قونشو اؤلکهلره گئچدیگینی بیلدیردی.
بیرلشمیش میللتلر سیغینماچیلار یوکسک کمیسرلیگی اوکرایناداکی سیغینماچی بحرانینا باغلی مختلیف قایناقلاردان الده ائدیلهن بیلگیلری پایلاشدی.
بونا گؤره، ۲۴ فوریهدن ۱ مارسا قدر گئچهن مدتده یوزده ۵۱،۹و لهستانا اولماق اوزره ۸۷۴ مین ۲۶ سیغینماچی اوکراینادان قونشو اؤلکهلره گئچدی.
لهستانا ۴۵۳ مین ۹۸۲، ماجاریستانا ۱۱۶ مین ۳۴۸، مولدووایا ۷۹ مین ۳۱۵، اسلوواکیایا ۶۷ مین، رومانییه ۴۴ مین ۵۴۰، روسیایا ۴۲ مین ۹۰۰، بلاروسا ۳۴۱ و دیگر آوروپا اؤلکهلرینه ایسه ۶۹ مین ۶۰۰ سیغینماچی گئچدی.
بو رقملره علاوه اولاراق دونتسک و لوهانسک بؤلگهلریندن ۱۸-۲۳ فوریهده ۹۶ مین نفرین ده روسیایا گئچدیگینی بیلدیردی.
بیرلشمیش میللتلر سیغینماچیلار یوکسک کمیسرلیگی، اوکراینادا گرگینلیین داها دا آرتماسی حالیندا ۴ میلیون قدر وطنداشین اؤلکهدن قاچابیلهجگی اویاریسی ائدیر.
روس عسگرلری ۲۴ فوریهده اوکراینایا سالدیری باشلاتمیشدی.