ایراندا باغیشلانان اعدام محکومو اۆرک توتماسیندان اؤلدو
۱۸ ایل اؤنجه بیر نفری اؤلدوردوگو اوچون اعداما محکوم ائدیلهن محکوم، مقتولون یاخینلاری طرفیندن عفو ائدیلدیگینی ائشیتدیکدن سونرا اۆرگی دوردو
ایراندا جنایت ایشلهدیگی اوچون اعدام جزاسینا محکوم ائدیلهن شخص مقتولون عائلهسی طرفیندن عفو ائدیلینجه اۆرک توتماسیندان اؤلدو.
'همشهری آنلاین' خبر سایتینا گؤره، بندر عباس شهرینده ۱۸ ایل اؤنجه بیر نفری اؤلدوردوگو اوچون اعداما محکوم ائدیلهن محکوم، مقتولون یاخینلاری طرفیندن عفو ائدیلدیگینی ائشیتدیکدن سونرا اۆرگی دوردو.
سوی آدی آچیقلانمایان ۵۵ یاشلی «اکبر» آدلی محکوم خستهخانایا چاتدیریلسا دا، بوتون چابالارا باخمایاراق قورتولماسی ممکن اولمادی و یاشامینی ایتیردی.
سؤزوگئدن محکومون ۲۰۰۴.جو ایلده بندر عباس حبسخاناسینا گؤندریلدیگی و بیر مدتدیر اۆرک راحاتسیزلیغی اولدوغو بیلدیریلیر.
ایران مجازات قانونلارینا گؤره، جنایتدن دولایی اعداما محکوم ائدیلهن محکوملار، اؤلدورولن شخصین یاخینلاری طرفیندن باغیشلانارسا، اعدامدان قورتولاراق قان پولو اؤدهییر و وارسا حبس جزالارینی تاماملاییر.