عبداللهیان، کولبا ایله دانیشدی

عبداللهیان، ایرانین ایکی اؤلکه آراسین‌داکی پروبلئمین باریشچیل بیر شکیلده حل ائدیلمه‌سی اوچون لازیم‌ اولان هر جور قاتقییا حاضر اولدوغونو سؤیله‌دی

1780974
عبداللهیان، کولبا ایله دانیشدی

ایران خاریجی ایشلر باخانی حسین امیرعبداللهیان، اوکراینا خاریجی ایشلر باخانی دمیترو کولبا ایله موسکوا ایله کیئو آراسین‌داکی گرگینلییه باغلی سون گلیشمه‌لری مذاکره ائتدی.

ایران خاریجی ایشلر باخانلیغیندان وئریله‌ن آچیقلامایا گؤره، عبداللهیان ایله اوکراینالی قونومداشی کولبا، ایکی اؤلکه ایلیشکی‌لر واولوسلارآراسی گلیشمه‌لر حاقیندا تلفندا دانیشدی.

عبداللهیان، اؤلکه‌سینین اوکراینا ایله موختلیف ساحه‌لرده ایکی‌لی ایلیشکیلری گئنیشلتمه و گلیشدیرمه عزمینی دیله گتیردی.

اوکراینا و روسیا آراسینداکی ایلیشکیلرده یاشانان بحرانا ایشاره ائد‌ن عبداللهیان، گرگینلیین آزالماسیندان دویدوغو ممنونیتی ایفاده ائد‌رک، مؤوجود پروبلئمین اوچونجو اؤلکه‌لرین مداخیله‌سی اولمادان دیالوگ و دیپلوماتیک کاناللاردان حل ائدیلمه‌سینی اومود ائتدیگینی ایفاده ائتدی.

عبداللهیان، ایرانین ایکی اؤلکه آراسین‌داکی پروبلئمین باریشچیل بیر شکیلده حل ائدیلمه‌سی اوچون لازیم‌ اولان هر جور قاتقییا حاضر اولدوغونو سؤیله‌دی.

اوکراینا خاریجی ایشلر باخانی کولبا ایسه کیئو ایله تهرانین هر زامان یاخشی ایلیشکیلره صاحب اولدوغونو و بو گونه قدر اوچونجو طرفلرین بو یاخشی ایلیشکیلره باسقی گؤستره‌بیلمه‌دیگینی ایفاده ائتدی.

ایرانین مؤوجود بحرانداکی توتومونو مثبت گؤردوکلرینی دیله گتیره‌ن کولبا، روسیا ایله ساواش ایستمه‌دیکلرینی و پروبلئمین دیپلوماتیک و باریشچیل یوللارلا حل ائدیلمه‌سی اوچون چالیشدیقلارینی وورغولادی.

کولبا، ایکی اؤلکه آراسینداکی اقتصادی ایلیشکیلرین سون ایللرده گلیشدیگینی و قارشیلیقلی تیجارت حجمینین داها دا آرتماسینی اومود ائتدیگینی قید ائتدی.



ایلگیلی‌لی خبرلر