آمریکا، پکاکالی تروریستلرله سلاحلی مانور باشلاتدی
آمریکا عسگرلری ابو خشب چؤلونده اولان صنایع بؤلگهسی و اطرافیندا سحر ساعاتلاریندا ی.پ.گ/پکاکالی تروریستلرله اورتاق سلاحلی مانور باشلاتدی
سوریهده بؤلوجو ترور هؤرگوتو ی.پ.گ/پکاکایا سلاحلی تعلیم وئرمهیه داوام ائدن آمریکا بیرلشمیش دؤولتلری اوردوسو، دیرالزورون قوزئی باتیسیندا ترور هؤرگوتو ایله اورتاق سلاحلی مانور تشکیل ائدیر.
یئرلی قایناقلاردان الده ائدیلهن معلوماتا گؤره، آمریکا عسگرلری ابو خشب چؤلونده اولان صنایع بؤلگهسی و اطرافیندا سحر ساعاتلاریندا ی.پ.گ/پکاکالی تروریستلرله اورتاق سلاحلی مانور باشلاتدی.
اورتاق مانور، ساواش اوچاغی و هلیکوپترلرله یاناشی بیر نئچه تانک و زرهلی واسطه ایله ائدیلیر.
ترور هؤرگوتو داعش قارشیدی اولوسلارآراسی کوالیسیون گوجلریندن بعضی عسگرلرین ده قاتیلدیغی مانوردا، تروریستلره قومبارا، توپچو آتیشلاری و گودوملو آنتی-تانک راکتلرینین ایستیفادهسی حاقیندا دا تعلیم وئریلهجک.
آمریکا عسگرلری، دسامبر آییندا دا ابو خشب چؤلونده ی.پ.گ/پکاکالی تروریستلرله اورتاق سلاحلی مانور ائتمیشدی.
آمریکا و لیدئرلیک ائتدیگی کوالیسیون گوجلری، ۲۰۱۵دن بو یانا مینلرجه ی.پ.گ/پکاکالی تروریسته سلاحلی تعلیم وئردی.