زاخارووا:"باتی اؤلکه‌لری روسیا-یا قارشی هیسترینی قیزیشدیرماغی دایاندیرما‌لی‌دیر"
روسیا خاریجی ایشلر ناظیرلیگی‌نین سؤزچوسو ماریا زاخارووا پایتاخت مسکوادا هفته‌لیک مطبوعات کونفرانسی کئچیریب.
"باتی اؤلکه‌لری روسیایا قارشی هیستری قیزیشدیرماغی دایاندیرما‌لی‌دیر".
بونو روسیا خاریجی ایشلر ناظیرلیگی‌نین سؤزچوسو ماریا زاخارووا پایتاخت مسکوا-دا کئچیردیگی هفته‌لیک مطبوعات کنفرانسیندا دئییب.
ماریا زاخارووا امریکا و ناتو-نون آوروپا-داکی حرکت‌لرینه توخونا‌راق دئییب:
"باتی مئدیاسی روسیانین اوکراینایا هوجوم ائدجگی ایله باغلی تبلیغات آپاریر. تأسف کی، باتی مئدیاسی اوچون محاربه باشلامادی. باتی مئدیاسی محاربه‌نین باش وئرمه‌سی اوچون الیندن گلنی ائتمه‌یه چالیشدی. هوجومون تشکیل اولوناجاغینا دایر هئچ بیر ثبوت یوخ‌دور. باتی مئدیاسیندا بونونلا باغلی اوخودوغوموز هر خبر یالان‌دیر. هم روسیا، هم ده اوکراینا محاربه‌نین اولمایاجاغی ایله باغلی آچیقلاما‌لار وئریر. باتی اؤلکه‌لرینی آنتی-روسیا هیستری تحریکی دایاندیرماغا چاغیریریق. بو هیستری هم ده اوکراینایا قارشی‌دیر”.
"بیز باتی اوکراینایا سلاح گؤندرمگی دایاندیرماغا چاغیریریق. بو حرکت‌لر دونباس مسئله‌سی‌نین حلینه، آوروپادا تهلوکه‌سیزلیک و ثابت‌لیگه منفی تأثیر گؤستریر".
ناتو-نون باش کاتیبی ینس استولتنبرگ‌ین "رومینیادا حربی بیرلشمه‌لر یئرلشدیرمگی پلانلاشدیردیق‌لاری" ایفاده‌سینی دیرلندیرن زاخارووا "ناتو اوزون مدت‌دیر قارا دنیز بؤلگه‌سینی حربیلشدیرمگی پلانلاشدیریر. ناتو بو دینج امکداش‌لیق بؤلگه‌سینی ژئوسیاسی محاربه‌یه و رقابت ساحه‌سینه چئویرمک نیتینده‌دیر" ایفاده‌لردن ایستیفاده ائدیب.
روسیانین ناتو اؤلکه‌لرینی تهدید ائتمک و یا اونلارا هوجوم ائتمک نیتینده اولمادیغینی ایفاده ائدن روسیا سؤزچوسو باریش‌ین قورونماسی‌نین طرفداری اولدوق‌لارینی وورغولاییب.
روسیانین انرژی ساحه‌سینده آوروپا اؤلکه‌لری ایله امکداش‌لیغینا توخونان زاخارووا امریکانین طبیعی گاز بازارینا حاکم اولماغا چالیشدیغینی و بونا گؤره ده اوکراینا اطرافینداکی وضعیتی ثابیتسیزلشدیردیگینی بیلدیریب.
امریکانین "قوزیی آخینی" گاز بورو کمری لاییحه‌سی‌نین قارشی‌سینی آلماغا چالیشدیغینی بیلدیرن زاخارووا طبیعی گازی آوروپایا نقل ائتمه‌یه داوام ائده‌جک‌لرینی وورغولاییب.
ایلگیلی‌لی خبرلر
تاخیل داشییان داها ایکی گمی یولا دوشوب
بو بارده تورکیه-نین میللی ساوونما ناظیرلیگیندن وئریلن معلوماتدا بیلدیریلیب.
