ابوظبی‌ده سمبولیک بینالار تورک بایراغی ایله بزه‌ندی

جمهورباشقانی رجب طیب اردوغانین رسمی گؤروشمه‌لر اوچون گئتدیگی ابوظبی‌ده شهرین سمبولیک بینالاری تورک بایراغینین تصویری ایله ایشیقلاندیریلدی.

ابوطبی امیرلیک سارایی و اردوغانین قالدیغی امارات قصری ده تورکی بایراغینین قیرمیزی و آغ رنگلرینه بوروندو.

اؤتن گون دونیانین ان یوکسک گؤید‌له‌نی اولان دوبی‌ده‌کی بورج خلیفه‌یه تورک بایراغی عکس ائتدیریلمیش و ایستیقلال مارشی سسلندیریلمیشدی. گؤید‌له‌نین اوزرین‌ده آیریجا تورکجه «خوش گلدینیز» یازیسی، اینگیلیزجه و عربجه ‌ده «امارات و تورکیه استراتژیک ایلیشکی‌لری» ایفاده‌سی ده یانسیدیلمیشدی.