ایران: تحریملرین لغوی قیرمیزی چیزگیمیزدیر
"آمریکا، ایران خالقینین اعتیمادینی قازانماق اوچون چابا گؤسترمهلی"
ایران، اقتصادی تحریملرین لغوینین قیرمیزی چیزگیسی اولدوغونو آچیقلادی.
ایران دؤولت تلویزیونونون خبرینه گؤره، ایران خاریجی ایشلر باخانلیغی سؤزچوسو سعید خطیبزاده، تهراندا گئچیردیگی مطبوعات کنفرانسیندا یارین اتریشین باشکندی وینده تشکیل ائدیلهجک نوکلئر دانیشیقلارین ۸.جی تورو ایله باغلی آچیقلامالار وئردی.
خطیبزاده،
"نوکلئر آنلاشما ایله باغلی اقتصادی تحریملرین لغوی ایرانین قیرمیزی چیزگیسیدیر. گؤزلنتیمیز آمریکا هئیتینین واشینگتندان وینه گلنده، آمریکانین سیاسی قراری اولان تحریملرین نوکلئر آنلاشما چرچیوهسینده قالدیریلماسی و اولوملو سؤیلملرین عملی اولماسیدیر" دئدی.
نوکلئر آنلاشمادان چیخدیقدان سونرا واشینگتن یؤنتیمینین اقتصادی ضررینی ایران خالقینا اؤدتمه یولونا گئتمهسینین دوغرو بیر یول اولمادیغینا توخونان خطیبزاده، آمریکانین ایران خالقینین اعتیمادینی قازانماق اوچون چابا گؤسترمهلی اولدوغونو دئدی.