"تورکیه ایله امضالانان آنلاشمالار ساغلام دوروشوموزون دلیلی"
اوکراینا خاریجی ایشلر باخانی دمیترو کولبا، تورکیه ایله ۸ اؤنملی استراتژیک آنلاشما امضالادیقلارینی خاطیرلاتدی
اوکراینا خاریجی ایشلر باخانی دمیترو کولبا، تورکیه ایله دونن ایمضالانان آنلاشمالارین بوتون قورخوتمالارا باخمایاراق اؤلکه‌سینین آیاقلاری اوزرین‌ده ساغلام دوردوغونون و دوستلارینین اوکراینایا ایناندیغینین دلیلی اولدوغونو سؤیله‌دی.
کولبا، آنلاین تشکیل ائتدیگی مطبوعات کنفرانسیندا، دونن تورکیه ایله ۸ اؤنملی استراتژیک آنلاشما امضالادیقلارینی خاطیرلاتدی.
آنلاشمالارین بوتون تهدیدلره و قورخوتمالارا باخمایاراق اؤلکه‌سینین آیاقلاری اوزرین‌ده ساغلام دوردوغو، گوونلی بیر شکیل‌ده گلیشمه‌یه داوام ائتدیگی و دوستلارینین اوکراینایا ایناندیغینین دلیلی اولدوغونو بیلدیرن کولبا، موسکوانین قورخوتما استراتژیسینین ایشه یارامادیغینی ایفاده ائتدی.
کولبا، ریسکلرین داوام ائتدیگینی و هر سناریویا قارشی حاضیرلاندیقلارینی ایفاده ائد‌رک، روسیانین بو رانددا اودوزدوغونو سؤیله‌دی.
کیئوده دونن جمهورباشقانی رجب طیب اردوغان و اوکراینا دؤولت باشقانی ولادیمیر زلنسکینین باش باشا و هئیتلر آراسی گؤروشمه‌سینین آردین‌دان ایکی اؤلکه آراسین‌دا سربست تیجارت آنلاشماسی داخیل ۸ آنلاشما امضالانمیشدی.
ایلگیلی‌لی خبرلر
ایسرائیل اوردوسو لبنانین گونئیینه هاوا هوجومو ائندیریب
ایسرائیل اوردوسونا مخصوص ساواش اوچاقلاری لبنانین گونئیینده ان آزی 13 دفعه 4 نقطه‌نی ووروب
