پاشینیان: ارمنیستان آنتالیاداکی دیپلوماسی فورومونا قاتیلاجاق

"تورکیه ایله اؤن شرط‌سیز بیر شکیل‌ده دیپلوماتیک ایلیشکیلر قورماق و سرحدلری آچماق ایسته‌ییریک"

1767879
پاشینیان: ارمنیستان آنتالیاداکی دیپلوماسی فورومونا قاتیلاجاق

ارمنیستان باشباخانی نیکول پاشینیان،

"بؤیوک احتمال ارمنیستان آنتالیاداکی دیپلوماسی فورومون‌دا ایشتیراک ائده‌جک‌" دئدی.

نیکول پاشینیان، فیسبوک اوزرین‌دن یاییملانان مطبوعات کنفرانسیندا، اؤلکه‌سینین تورکیه و آذربایجان ایله ایلیشکیلرینه دایر دانیشدی.

آذربایجانلا بیر باریش آنلاشماسی ایمضالانماسی قونوسونون گوند‌مده اولدوغونا ایشاره ائد‌ن پاشینیان،

"بئله بیر آنلاشما ایمضالانمالی آنجاق اؤنجه بو سندین مذاکیره‌لر نتیجه‌سین‌ده اولوشدورولماسی لازیم‌دیر. ارمنیستان، بو مذاکیره‌لره حاضردیر" ایفاده‌سینی ایشلتدی.

پاشینیان، تورکیه ایله ایلیشکیلرینی ده نورماللاشدیرماق ایسته‌دیکلرینین وورغولایاراق، 

"تورکیه ایله اؤن شرط‌سیز بیر شکیل‌ده دیپلوماتیک ایلیشکیلر قورماق و سرحدلری آچماق ایسته‌ییریک. گئچمیش‌ده باشاریلی اولابیلمه‌دیک و او تجروبه‌دن ایستیفاده ائتمه‌لیییک" دئیه دانیشدی.

تورکیه ایله ارمنیستان آراسین‌داکی گؤروشمه‌لرین اؤزل نماینده‌لر سویه‌سینده باشلادیغینی خاطیرلادان پاشینیان،

"اؤزل نماینده‌لریمیز گؤروشدو. بو سوره‌ج بئله داوام ائتسه، ارمنیستانین آنتالیاداکی دیپلوماسی فورومون‌دا ایشتیراک ائتمه‌سی احتمالی چوخدور. گؤروشمه‌لره داوام ائتمه فورصتینی قاچیرماق منطق‌سیز اولار" دئدی.

خاریجی ایشلر باخانی مؤولود چاووش‌اوغلو، ۱۹ ژانویه‌ده وئردیگی آچیقلامادا، ۱۱-۱۳ مارس‌دا ائدیله‌جک آنتالیا دیپلوماسی فورومونون ایکینجیسینه، ارمنیستاندان مسئوللارین دا دعوت ائدیلدیگینی سؤیله‌میشدی.



ایلگیلی‌لی خبرلر