ارمنیستان جمهورباشقانی استعفا ائتدی
"بو قرار دویغوسال دئییل، بللی بیر منطق چرچیوه‌سین‌ده آلینمیشدیر"
ارمنیستان جمهورباشقانی آرمن سارکیسیان وظیفه‌سین‌دن استعفا ائتدیگینی آچیقلادی.
آرمن سارکیسیان، یازیلی بیر آپیقلاما وئررک، اؤلکه‌سین‌ده مختلیف سیاسی پروبلئملر اولدوغونو و بونلارلا مباریزه ائده‌بیلمک اوچون لازیم اولان آراجلارا صاحب اولمادیغینی ایفاده ائتدی.
جمهورباشقانی اولاراق ایچ و دیش پروبلئملری حل ائد‌جک آنایاسال گوجه صاحب اولمادیغینی بیلدیرن سارکیسیان، بعضی سیاسی قروپلارین دا اؤزونو و عائله‌سینی هدف آلدیغینی قید ائتدی.
سؤزو گئدن سببلردن اؤترو ساغلیغینین دا منفی تاثیرلندیگینی وورغولایان سارکیسیان، "اوزون مدت دوشوندوم و دؤرد ایلین آردین‌دان، جمهورباشقانلیغی وظیفه‌سین‌دن استعفا وئرمه قراری آلدیم. بو قرار دویغوسال دئییل، معین بیر منطق چرچیوه‌سین‌ده آلینمیشدیر" ایفاده‌سینی ایشلتدی.
۲۰۱۸ده جمهورباشقانی سئچیله‌ن سارکیسیانین وظیفه مدتی ۲۰۲۵ده دولوردو.
ایلگیلی‌لی خبرلر
ایسرائیل اوردوسو لبنانین گونئیینه هاوا هوجومو ائندیریب
ایسرائیل اوردوسونا مخصوص ساواش اوچاقلاری لبنانین گونئیینده ان آزی 13 دفعه 4 نقطه‌نی ووروب
