رئیسی: آمریکا ان ضعیف وضعیتینده‌دیر

رئیسی، روسیانین باشکندی موسکوا سفری چرچیوه‌سینده روسیا پارلمانینین آلت قانادی دؤولت دوماسین‌دا میللت وکیللرینه خطاب ائتدی

1765945
رئیسی: آمریکا ان ضعیف وضعیتینده‌دیر

ایران جمهورباشقانی ابراهیم رئیسی، واشینگتن یؤنتیمینین بؤلگه‌ده‌کی استراتژیلرینین باشاریسیز اولدوغونو ایفاده ائد‌رک،

"آمریکا بیرلشمیش دؤولتلری بو آن ان ضعیف نقطه‌سینده" دئدی.

ایران جمهورباشقانلیغیندان وئریله‌ن آچیقلامایا گؤره، رئیسی، روسیانین باشکندی موسکوا سفری چرچیوه‌سینده روسیا پارلمانینین آلت قانادی دؤولت دوماسین‌دا میللت وکیللرینه خطاب ائتدی.

دانیشماسین‌دا آمریکانین افغانیستان و عراق‌دا باشاریسیز اولدوغونو دیله گتیره‌ن رئیسی،

"سلطه استراتژیسی اوغور‌سوز اولموشدور و آمریکا بو آن ان ضعیف وضعیتینده‌دیر" ایفاده‌لرینی ایشلتدی.

واشینگتنون ایرانا قارشی تحریملرینی ده تنقید ائد‌ن رئیسی، بونا قارشی امکداش‌لیق ائدیلمه‌سی لازیم اولدوغونو، عکس حال‌دا آمریکا متفیقلری داخیل اولماق اوزره باشقا اؤلکه‌لره ده تحریملر گله‌بیله‌جگی گؤروشونو پایلاشدی.

نوکلئر سلاح آرخاسیندا اولمادیقلارینی تکرارلایان رئیسی،

"آمریکا ایرانین نوکلئر فعالیتلری سببیله تحریم تطبیق ائتدیگینی ادعا ائدیر آنجاق بونلار قانونیدیر و اولوسلارآراسی اتم انرژی‌سی آژانسینین کنترلو آلتیندا ایجرا ائدیلمک‌ده‌دیر. نوکلئر سلاحین ساوونما استراتژیمیزده یئری یوخدور" دئدی.



ایلگیلی‌لی خبرلر