ایران‌دا سئل؛ ان آز ۲ نفر حیاتینی ایتیردی
کرمان ایالتینین دوغو و گونئی بؤلگه‌لرین‌ده بازار گونوندن بری داوام ائد‌ن یاغیشلار داشقینلارا سبب اولدو، بیر چوخ یاشاییش یئری سو آلتین‌دا قالدی
ایرانین گونئی دوغوسوندا یاغیشلارین سبب اولدوغو سئل نتیجه‌سین‌ده ۲ نفر حیاتینی ایتیردی.
ایرانین رسمی آژانسی ایرنانین خبرینه گؤره، کرمان ایالتینین دوغو و گونئی بؤلگه‌لرین‌ده بازار گونوندن بری داوام ائد‌ن یاغیشلار داشقینلارا سبب اولدو، بیر چوخ یاشاییش یئری سو آلتین‌دا قالدی.
کرمان والی‌سی علی زینی‌وند سون ایکی گوندور داوام ائد‌ن شدتلی یاغیشلارین بؤلگه‌ده‌کی چایلاردا داشقینلارا سبب اولدوغونو، چایلارا یاخین کندلرین بوشالدیلماسی تاپشیریغی وئردیگینی بیلدیردی.
زینی‌وند ایالت‌ده سئل سببیله ۱۳۰ کنده گیریشین ممکن اولمادیغینی و کند یوللارینین آچیلماسی اوچون چالیشیلدیغینی بیلدیردی.
داشقینلاردان ان چوخ ضرر چکه‌ن ویلایتین ریگان ائلچه‌سی قرمانداری امین باقری، الکتریک و تلفن خطلری کسیلدیگی اوچون ائلچه‌نین داغلیق بؤلگه‌لرین‌دن خبر آلابیلمه‌دیکلرینی بیلدیردی.
باقری، داغ کندلرین‌ده‌کی اینسانلارا یاردیم چاتدیرماق اوچون بو بؤلگه‌لره گؤندریله‌ن الکتریک و یول ایداره‌لرینه باغلی قروپلارین دا سئله دۆشدوکلرینی و اونلاردان دا خبرسیز اولدوقلارینی ایفاده ائتدی.
ریگان قیزیل آی تشکیلاتینین باشقانی بهزاد عارف ده سئل نتیجه‌سین‌ده بیری اوشاق اولماقلا ایکی نفرین حیاتینی ایتیردیگینی، بیر اوشاغین ایسه ایتکین دوشدویونو بیلدیردی.
ایلگیلی‌لی خبرلر
ایسرائیلین غزه زولاغینا هوجوملاریندا اؤلو سایی آرتیب
حیاتینی ایتیرنلرین سایینین 33 مین 899-آ، یارالیلارین سایینین ایسه 76 مین 664-ه یوکسلدیگی بیلدیریلیب
