بورل: موذاکیرهلرده داها سرعتلی ایرلیلهمهلیییک
"نوکلئر آنلاشمانی احیا ائتمک اوچون موذاکیرهلرده داها سرعتلی ایرلیلهمهلیییک"
آوروپا بیرلیگی، ایرانا، یئددینجی دؤورو وینده ائدیلهجک نوکلئر گؤروشمهلرده سرعتلی ایرلیلهمه تامین ائدیلمهسی لازیم اولدوغونو بیلدیردی.
آوروپا بیرلیگی خاریجی ایلیشکیلر و گوونلیک سیاستی یوکسک نمایندهسی جوزپ بورل ایله ایران خاریجی ایشلر باخانی حسین امر عبداللهیان، بو گون وینده داوام ائدجک نوکلئر گؤروشمهلر اولینده تلفندا دانیشدی.
بورل، ایران طرفینین طلبی ایله ائدیلهن گؤروشمه حاقیندا سوسیال مئدیا حسابیندان معلومات وئردی. بورل، عبداللهیانا "فوریت" ضرورتینی چاتدیردیغینی ایفاده ائدرک،
"نوکلئر آنلاشمانی احیا ائتمک اوچون موذاکیرهلرده داها سرعتلی ایرلیلهمهلیییک" ایفادهسینی ایشلتدی.
ایران نوکلئر آنلاشمانین یئنیدن تام معناسییلا تطبیق اولونماسینی تامین ائتمه و آمریکا بیرلشمیش دؤولتلرینین آنلاشمایا قاییدیشینین اله آلیندیغی گؤروشمهلر، تخمیناً ۵ آیلیق بیر آرانین آردیندان ۲۹ نوامبردا یئنیدن باشلامیش، ۳ دسامبردا گؤروشمهلره آرا وئریلمیشدی.
آوروپا بیرلیگی خاریجی ایلیشکیلر سرویسی باش کاتیبی کؤمکچیسی و سیاسی مودورو انریکو مورینین باشقانلیغیندا روسیا، چین، آلمانیا، فرانسا، اینگیلتره و ایراندان اوست سویه نمایندهلرین ایشتیراکییلا وینده ائدیلهن گؤروشمهلره، طرفلرین آنلاشابیلمهمهسی سببیله آرا وئریلمیشدی.
آوروپالی طرفلر، تهرانی گؤروشمهلرده "قاتی توتوم" سرگیلهمکله سوچلاییر. ایران خاریجی ایشلر باخانی حسین امر عبداللهیان ایسه چؤزوم تکلیفلرینین نوکلئر آنلاشمایلا اویغون اولدوغونو مدافعه ائدیر.