ایران، آمریکانین یئنی تحریملرینی قینادی
"بیر چوخ اؤلکهیه مختلیف شکیللرده موداخیله ائتمه بارهسینده اوزون بیر سابقهیه صاحب آمریکا حکومتینین، بو اؤلکهنین قامواویونو آلداتماق مقصدیله اورتایا آتدیغی بو جور ادعالار اساسسیز اولاراق دگرلندیریلیر"
ایران، آمریکا بیرلشمیش دؤولتلرینین "۲۰۲۰دهکی باشقانلیق سئچیملرینه تأثیر ائتمهیه چالیشدیقلاری" سببیله ایرانلی ۶ شخص و بیر شیرکتی تحریم لیستینه آلماسینی قینادی.
خاریجی ایشلر باخانلیغی سؤزچوسو سعید خطیبزاده، ایرانین آمریکاداکی سئچیملره موداخیله ائتمهیه چالیشدیغینا دایر ادعالاری رد ائتدی.
ایرانین، یئنی تحریملری اؤنجهکی آمریکا باشقانی دونالد ترامپین تهرانا تطبیق ائتدیگی "باشاریسیز ماکسیموم باسقی سیاستینین" داوامی اولاراق گؤردوگونو و قینادیغینی ایفاده ائدن خطیبزاده،
"بیر چوخ اؤلکهیه مختلیف شکیللرده موداخیله ائتمه بارهسینده اوزون بیر سابقهیه صاحب آمریکا حکومتینین، بو اؤلکهنین قامواویونو آلداتماق مقصدیله اورتایا آتدیغی بو جور ادعالار اساسسیز اولاراق دگرلندیریلیر" ایفادهلرینی ایشلتدی.
آمریکا خزانه باخانلیغیندان دونن وئریلهن آچیقلامادا، ۲۰۲۰ باشقانلیق سئچیملرینه تأثیر ائتمهیه چالیشدیقلاری سببیله ایرانلی ۶ شخص و بیر شیرکتین تحریم لیستینه آلیندیغی ایفاده ائدیلمیشدی.
ایلگیلیلی خبرلر
غزه-ده اؤلنلرین سایی آرتیر
ایسراییل اوردوسونون غزه-یه هوجوملاری نتیجهسینده اؤلنلرین سایی آرتماقدا داوام ائدیر.
یونانیستان-دا آردیجیل ایکی زلزله باش وئریب
یونانیستان-دا 5،6 و 5،7 شدتینده آردیجیل ایکی زلزله باش وئریب.