یمن-ده 6200 نفر ائو-ائشیگینی ترک ائدیب
یمن-ین حدیده ویلایتینده نوامبرین 12-دن بریدیر 6200 نفر ایچ کوچ ایله ائو-ائشیگینی ترک ائتمهلی اولوب.
یمن-ین حدیده ویلایتینده نوامبرین 12-دن بریدیر 6200 نفر ایچ کوچ ایله ائو-ائشیگینی ترک ائتمهلی اولوب.
بیرلشمیش میللتلر تشکیلاتینین (بمت) اینسانی مسئلهلر اوزره کووردیناسیون اوفیسیندن یاییلان بیاناتدا یمن حکومتی و متفیق قوهلرین حدیده ویلایتی اطرافینداکی موضع لرینی ترک ائتدیگی بیلدیریلیب.
بیاناتدا دریهیمی، بیت الفقیه بؤلگهلری و التحتیا قصبهسینه نظارت ائدن قوهلرین بو بؤلگهلری ترک ائدهرک حدیده-دن 90 کیلومتر گونئی ده یئرلشن حوها بؤلگهسینه یئرلشدیریلدیگی قئید ائدیلیب.
بمت اوفیسیندن وئریلن آچیقلامادا بؤلگهدن الده ائدیلن معلوماتا گؤره، حوثی میلیسلرینین بوشالدیلان اراضیلری اله کئچیردیگی، لاکین حکومت قوهلرینین حوثی لره قارشی شدتلی موباریزنی داوام ائتدیردیگی بیلدیریلیب.
معلوماتدا بو حادثهلردن سونرا اؤتن جمعه گونوندن اعتباراً بؤلگهدن تخمینن 4900 نفردن عبارت 700 عائلهنین حوها بؤلگهسینه، تخمینن 1300 نفردن عبارت 184 عائلهنین ایسه حدیده-نین گونئی یندهکی المحا بؤلگهسینه کؤچ ائتمهلی اولدوغو، هوها بؤلگهسینده یئنی گلن قاچقینلارا گؤره 300 چادیرلیق یئنی دوشرگه سالیندیغی بیلدیریلیب.
سؤزوگئدن اراضیلری تخلیه ائدن سلاحلی قوهلر یمن حکومتی ایله متفیق، لاکین یمن ساوونما ناظیرلیگینه باغلی اولمایان بیرلشمیش عرب امیرلیکلرینین دستکلدیگی میلیسلردن عبارت اولدوغو قئید ائدیلیب.
