چاووش‌اوغلو: ایرانلا امکداشلیغیمیزی گلیشدیرمک ایسته‌ییریک
"ایرانلا کؤک‌لو ایلیشکی‌لریمیزی، بؤلگه‌میزین یانی سیرا دیگر کوره‌سل قونولاردا دا امکداشلیغیمیزی گلیشدیرمک ایسته‌ییریک"
خاریجی ایشلر باخانی مؤولود چاووش‌اوغلو، تورکیه‌نین ایرانلا درین کؤک‌لو ایلیشکی‌لری، بؤلگه‌سل و اولوسلارآراسی مسئله‌لرده امکداشلیغی گلیشدیرمک ایسته‌دیگینی بیلدیردی.
چاووش‌اوغلو رسمی گؤروشمه‌لر اوچون گئتدیگی تهران‌دا ایرانین خاریجی ایشلر باخانی حسین امیر عبداللهیان ایله اورتاق مطبوعات کنفرانسی تشکیل ائتدی.
هرمزگان ویلایتین‌ده باش وئره‌ن زلز‌له‌ده حیاتینی ایتیره‌نلر اوچون باش‌ساغلیغی وئره‌ن چاووش‌اوغلو ،تورکییه‌نین قارداش ایرانا یارالارینین ساریلماسی اوچون لازیم اولان دستگی وئرمه‌یه حاضر اولدوغونو بیلدیردی.
گؤروشمه‌ده یوکسک سویه‌لی امکداش‌لیق شوراسینین ۷.جی توپلانتیسینا حاضرلیقلاری گؤزدن گئچیردیکلرینی بیلدیره‌ن چاووش‌اوغلو ایران‌لی قونومداشی ایله ترور، کؤچ و اینسان قاچاقچی‌لیغی کیمی گوونلیک مسئله‌لرینی مذاکیره ائتدیکلرینی و بو قونودا دایانیشمانی آرتیرماق ایسته‌دیکلرینی بیلدیردی.
ایکی اؤلکه آراسین‌دا تیجارتین آرتیریلماسینی ایسته‌دیکلرینی ایفاده ائد‌ن چاووش‌اوغلو، تورکیه‌نین ایرانا قارشی تک طرفلی تحریملرین یانلیش اولدوغونو بوتون پلتفورملاردا ایفاده ائتدیگینه دقت چکدی.
چاووش‌اوغلو،
"بو وسیله ایله برجامین یئنیدن ایشلر حالا گلمه‌سی اوچون بوتون طرفلرین لازیم اولان آددیملاری آتمالی اولدوغونو دوشونوروک. ایرانا قارشی تک طرفلی تحریملر ده لغو ائدیلمه‌لی‌دیر" دئدی.
ایکی اؤلکه‌نین بؤلگه‌سینده اؤنملی گلیشمه‌لرین اولدوغونو، بیلدیرن چاووش‌اوغلو،
"ایرانلا کؤک‌لو ایلیشکی‌لریمیزی، بؤلگه‌میزین یانی سیرا دیگر کوره‌سل قونولاردا دا امکداشلیغیمیزی گلیشدیرمک ایسته‌ییریک" ایفاده‌سینی ایشلتدی.
ایران خاریجی ایشلر باخانی عبداللهیان دا تورکیه ایله ایران آراسین‌دا اوزون مدت‌لی امکداش‌لیق اوچون یول خریطه‌سینین حاضرلانماسی قونوسون‌دا آنلاشدیقلارینی بیلدیردی.
عبداللهیان، تورکیه ایله بیر چوخ بؤلگه‌سل مسئله‌ده گؤروش بیرلیگی ایچینده اولدوقلارینی، چاووش‌اوغلو ایله بؤلگه‌سل و اولوسلارآراسی قونولاردا فایدالی دانیشیقلار آپاردیقلارینی سؤیله‌دی.
ایلگیلی‌لی خبرلر
ایسرائیلین غزه زولاغینا هوجوملاریندا اؤلو سایی آرتیب
حیاتینی ایتیرنلرین سایینین 33 مین 899-آ، یارالیلارین سایینین ایسه 76 مین 664-ه یوکسلدیگی بیلدیریلیب
