روحانینین سالقین یؤنتیمی راپورو محکمه‌یه وئریلدی
ساغلیق کمیسیونونون حاضیرلادیغی و روحانینین سالقین ایله موباریزه‌ده‌کی فعالیتنین اله آلیندیغی راپور میللت وکیللرینه سونولدو
ایران مجلسی، اؤنجه‌کی جمهورباشقانی حسن روحانی دؤورونده کوروناویروسلا موباریزه پروسه‌سینین دوزگون ایداره اولونماماسی ایله باغلی اتهاملارین یئر آلدیغی راپورو آراشدیرما اوچون محکمه‌یه گؤندردی.
ایران مجلس خبر آژانسینین وئردیگی خبره گؤره، ساغلیق کمیسیونونون حاضیرلادیغی و روحانینین سالقین ایله موباریزه‌ده‌کی فعالیتنین اله آلیندیغی راپور میللت وکیللرینه سونولدو.
روحانی دؤورونده سالقین پروسه‌سینه قارشی موباریزه‌نین دوزگون آپاریلماماسی ایله باغلی اتهاملارین یئر آلدیغی راپور مجلسده ایشتیراک ائد‌ن ۲۳۵ وکیلدن ۱۶۷سی طرفیندن قبول ائدیله‌رک آراشدیرما اوچون محکمه‌یه گؤندریلدی.
روحانینین جمهورباشقانلیغی دؤورونده باشقانلیق ائتدیگی کورونا ایله میللی موباریزه قورولونون و حکومتین سالقینا قارشی یاناشیمینین خالقلا «دوزلدیلمز مادی و معنوی ضرر» وئردیگینی ادعا ائد‌ن راپور‌دا، روحانینین ده یئرسیز و ضدیت‌لی قرارلار وئررک، سالقین سوره‌سینده اۆره‌تیم و وارداتدا دا پیس بیر ریؤنتیم اورتایا قویدوغونا دایر ایفاده‌لر یئر آلدی.
راپور‌دا روحانی حکومتی دؤورونده ویروسلا موباریزه‌ده آتیلان آددیملارین اؤلکه‌ده جدی اؤلوملره سبب اولدوغو و ایرانین «ویروسلا باغلی اؤلوم حاللارینین ان یوکسک اولدوغو اؤلکه‌لردن بیری اولدوغو» سونوجو یئر آلدی.
روحانی هله‌لیک مسئله ایله باغلی آچیقلاما وئرمه‌دی.
