رئیسی، سنی بیر کوردو دینی آزلیقلار ایله ائتنیک قروپلاردان مسئول مشاویر تعیین ائتدی

ایران جمهورباشقانلیغینین وئردیگی آچیقلامایا گؤره، رئیسی، سنندج‌ده آنادان اولان عبدالسلام کریمی‌نی اؤزونه مشاویر تعیین ائتدی

1721006
رئیسی، سنی بیر کوردو دینی آزلیقلار ایله ائتنیک قروپلاردان مسئول مشاویر تعیین ائتدی

ایران پرزیدنتی ابراهیم رئیسی، سنی-کورد عبدالسلام کریمی‌نی دینی و مذهبی آزلیقلار ایله ائتنیک قروپلاردان مسئول مشاویر اولاراق تعیین ائتدی.

ایران جمهورباشقانلیغینین وئردیگی آچیقلامایا گؤره، رئیسی، سنندج‌ده آنادان اولان کریمی‌نی اؤزونه مشاویر تعیین ائتدی.

عرب دیلی و ادبیاتی اوزره دکتراسی اولان ۱۹۶۷ سنندج‌ دوغوملو کریمی، فرماندارلیق و چئشیدلی دؤولت گؤره‌ولریندن سونرا، سنندج امام شافعی اسلامی بیلیملر اختصاص مرکزینین مودورلوگونو یئریتدی.

ایرانین اؤنده گلن سنی عالیملرین‌دن اولان مولوی عبدالحمید اسماعیل‌زهی، جمهورباشقانلیغی سئچیملرین‌ده رئیسینی دستکلدیگینی بیلدیرمیشدی. سنی عالیمه تلفن ائدن رئیسینین، "عدالتین حیاتا گئچیریلمه‌سی، ائشیدسیزلیک و آیریمچیلیغی اورتادان قالدیراجاغی کیمی سؤزلر وئردیگی" ایفاده ائدیلمیشدی.

سئچیملردن اؤنجه، ایران اهل سنت اورتاق دوشونجه شوراسی ایمضاسی ایله یاییملانان بیلدیریده، رئیسینین دستکلنمه‌سنین اویغون گؤرولدوگو آچیقلانمیشدی. ایران مجلیسینده ۱۶ میللت وکیلی اولان اهل سنت قروپو دا ۱۳ سپتامبردا محافظه‌کار نامزد رئیسینی نامیزدی دستکله‌یه‌جگینی آچیقلامیشدی.

تخمیناً ۸۳ میلیون اینسانین یاشادیغی ایران‌دا رسمی اولمایان رقملره گؤره، جمعیتین تخمیناً ۱۵ میلیونونون سنی اولدوغو بیلدیریلیر.

ایران‌داکی سنی‌لر بعضاً آنایاسال حاقلارینین وئریلمه‌سینی طلب ائتسه‌لر ده، دؤولتین بو طلبلری نظره آلمادیغی بیلدیریلیر.



ایلگیلی‌لی خبرلر