اوکراینا-دان روسیایا قارشی تحریم قراری

اوکراینا پرزیدنتی ولادیمیر زلنسکی روسیانین قانون‌سوز ایلحاق ائتدیگی قیریم-دا سئچکی کئچیرمه‌سینه قارشی تحریم لر تطبیق ائدیب.

1715567
اوکراینا-دان روسیایا قارشی تحریم قراری

اوکراینا پرزیدنتی ولادیمیر زلنسکی روسیانین قانون‌سوز ایلحاق ائتدیگی قیریم-دا سئچکی کئچیرمه‌سینه قارشی تحریم لر تطبیق ائدیب.

اوکراینا میللی تهلوکه‌سیزلیک و ساوونما کومیته‌سی‌نین قراری ایله روسیا وطنداش‌لاری دا داخیل اولماقلا 95 نفر تحریم سیاهی‌سینا سالینیب.

زلنسکی‌نین تطبیق ائتدیگی تحریم لره گؤره، بو شخص‌لرین اؤلکه‌یه گیریشی غیری-معین مدته قاداغان ائدیله‌جک و حساب لاری دون‌دورولا‌جاق.

اقتصادی تحریم لر سیاهی‌سینا 3 روسیا و 1 سنگاپور شیرکتی‌نین داخیل اولدوغو دا قئید ائدیلیب.

خاطیرلادیق کی، روسیادا 17-19 سپتامبر تاریخ‌لرینده پارلامنتین آشاغی قانادی دؤولت دوماسی، 39 فدراتیو بؤلگه‌نین پارلامنتی و بعضی بؤلگه‌لرده ایجرا و بلدیه سئچکی‌لری اوچون سسوئرمه کئچیریلدی.

اوکراینا رهبرلیگی روسیانین قیریم-دا سئچکی کئچیرمه‌سینه اولوسلار آراسی حقوقو پوزدوغونو اساس گتیره‌رک اعتراض ائتدی.

آوروپا بیرلیگی روسیانین قانون‌سوز اولا‌راق ایلحاق ائتدیگی قیریم-دا کئچیریلن سئچکی‌لری تانیمادیغینی بیان ائتدی.

روسیا 2014-جو ایلده قیریمی قانون‌سوز اولا‌راق ایلحاق ائدیب.

 

 



ایلگیلی‌لی خبرلر