محمود عباس ایسرابیل هئیتی ایله گؤروش کئچیریب
فیلیسطین دؤولت باشچیسی محمود عباس ایسراییلین ساغلیق ناظیری نیتزن هورویتز و بولگه سل امکداشلیق ناظیری عیساوی فریجین ده داخیل اولدوغو ایسراییل هئیتی ایله گؤروش کئچیریب.
فیلیسطین دؤولت باشچیسی محمود عباس ایسراییلین ساغلیق ناظیری نیتزن هورویتز و بولگه سل امکداشلیق ناظیری عیساوی فریجین ده داخیل اولدوغو ایسراییل هئیتی ایله گؤروش کئچیریب.
فیلیسطین-ین رسمی آژانسی "وفا"نین خبرینه گؤره، عباس ایشغال آلتینداکی اوردون چایینین باتی ساحلینه گئدن ایسراییل هئیتینی رام الله-داکی پرزیدنت ایقامتگاهیندا قبول ائدیب.
عباس گؤروشده ایسراییلین ایشغالا و یهودی یاشاییش مسکنلری قورما فعالیتینه سون قویماسی، اولوسلار آراسی قانونیلشدیرمه قرارلارینا اویغون اولاراق عدالتلی و احاتهلی بیر باریشین تامین ائدیلمهسینین واجیب اولدوغونو وورغولاییب.
ایسراییل-ین فیلیسطینلیلرین ائولرینی داغیتماسی و قدس-دن سورولمه لرینه سون وئرمه سینین لازیم اولدوغونو قئید ائدن ایسراییل حبسخانالاریندا فیلیسطینلی محبوسلارا قارشی گرگینلیگین آرتیریلماسی و حیاتا کئچیریلن سیاست بارهده خبردارلیق ائدیب.
ایسراییل-ین باش ناظیری نفتالی بنتتین رهبرلیک ائتدیگی کوالیسیون حکومتینده مرتس پارتیاسی عضولریندن عبارت اولان ایسراییل هئیتی ده ایشغالین سونا چاتماسینی و ایکی دؤولتین حلینی دستکلهین موضع لرینی تصدیقلهیهرک اعتیماد کؤرپولری قورماق اوچون بیرگه امکداشلیغا احتیاج اولدوغونو بیلدیریب.
قئید ائدک کی، سول میللی مرتس پارتیاسی پایتاختی دوغو قدس اولان بیر فیلیسطین دؤولتینین قورولماسینی دستکلهین و یهودی قصبهلرینین اینشاسینا قارشی چیخان بیر نئچه ایسراییل پارتیاسیندان بیریدیر.
عباس 29 آوقوستدا رام الله-دا ایسراییل ساوونما ناظیری بنی گانتز ایله گؤروشوب و گؤروشده فیلیسطین-ایسراییل علاقهلرینین موذاکیره ائدیلدیگی و علاقهلرین "بوتون جهتلریله" موذاکیره ائدیلدیگی آچیقلانیب.
ایسراییل پرزیدنتی اسحاق هرتزوگ دا 12 جولای تاریخینده فیلیسطین دؤولت باشچیسی عباسا ایکی طرف آراسیندا دیالوقو یئنیدن باشلاتماق نیتینده اولدوغونو بیلدیرمیشدی.