سلمان، ایران ایله عربیستان آراسینداکی گؤروشمه‌لری دگرلندیردی

کرال سلمان، بو گؤروشمه‌لرین اگمن‌لیگه سایغی، ایچ ایشلرینه قاریشماما و تروریست قروپلارا و میلیسلره هر جور دستگین کسیلمه‌سی اوزرینه قورولموش بیر امکداش‌لیق ایلیشکی‌لری قورما یولونو آچاجاغینی اومود ائتدیگینی ایفاده ائتدی

1709584
سلمان، ایران ایله عربیستان آراسینداکی گؤروشمه‌لری دگرلندیردی

سعودی عربیستان کرالی سلمان بن عبدالعزیز، اؤلکه‌سینین، ایران ایله گووه‌ن اولوشدورماق اوچون ائدیله‌ن ایلک گؤروشمه‌لرین ملموس نتیجه‌لر وئرمه‌سینی اومود ائتدیگینی آچیقلادی.

کرال سلمان، آمریکا بیرلشمیش دؤولتلرینین نیویورک شهرین‌ده‌کی بیرلشمیش میللتلر ۷۶.جی عمومی قورولون‌دا تله‌کنفرانس واسطه‌سی ایله بیر دانیشما گرچکلشدیردی.

ایرانین قونشو بیر اؤلکه اولدوغونو و اونونلا ایلک گؤروشمه‌لرین گووه‌ن آرتیریجی ملموس نتیجه‌لره یول آچاجاغینی اومود ائتدیکلرینی ایفاده ائد‌ن کرال سلمان، آیریجا بو گؤروشمه‌لرین اگمن‌لیگه سایغی، ایچ ایشلرینه قاریشماما و تروریست قروپلارا و میلیسلره هر جور دستگین کسیلمه‌سی اوزرینه قورولموش بیر امکداش‌لیق ایلیشکی‌لری قورما یولونو آچاجاغینی اومود ائتدیگینی ایفاده ائتدی.

 عربیستانین خاریجی سیاستینین دیالوگو و باریشچیل حل یوللارینی دستکلدیگینه دقت چکه‌ن کرال سلمان آنجاق اؤلکه‌سینین ایرانین نوکلئر سلاح گلیشدیرمه‌سینی اؤنله‌مه‌یه ایستیقامت‌لی اولوسلارآراسی چابالاری دستکلدیگینی ایفاده ائتدی.

دانیشماسین‌دا فیلیسطین مسئله‌سینه ده توخونان کرال سلمان، ۱۹۶۷ سرحدلرین‌ده باشکندی دوغو قدس اولان مستقیل بیر فیلیسطین دؤولتی قورمانین اؤنمینی وورغولادی.



ایلگیلی‌لی خبرلر