کابل هاوا لیمانیندا باش وئرن ایزدیهام و آتیشما نتیجهسینده 40 نفر اؤلوب
سون گونلرده کابل اولوسلار آراسی هاوا لیمانیندا باش وئرن ایزدیهام و آتیشما نتیجهسینده آزی 40 نفر اؤلوب.
سون گونلرده کابل اولوسلار آراسی هاوا لیمانیندا باش وئرن ایزدیهام و آتیشما نتیجهسینده آزی 40 نفر اؤلوب.
بو بارهده “TOLO News” کانالی هاوا لیمانیندا اولان "طالبان" حرکاتینین قوموتانینا ایستینادن معلومات یاییب.
معلوماتا گؤره، اینسانلار "خاریجی قوهلر طرفیندن اودلو سلاحدان ایستیفاده ائدیلمهسی" نتیجهسینده، ائلهجه ده ایزدیهام نتیجهسینده اؤلوبلر. "طالبان" نومایندهسی اهالینی هاوا لیمانینا گلمهمهیه و "خاریجه اوچماغین مومکونلوگو بارهده یالان شایع لره قولاق آسماماغا" چاغیریب.
قئید ائدک کی، "طالبان"ین افغانیستانین پایتاختی کابلی ده توتماسیندان سونرا یوزلرله اینسان هاوا لیمانینا اوز توتوب. اونلار اؤلکهدکی غیری-معینلیک سببیندن یارانمیش چاخناشما ایچریسینده ویزاسیز و پاسپورتسوز اولاراق دیگر اؤلکهلره قاچماغا اومید ائدیبلر. "طالبان"ین ائوده قالماقلا باغلی چاغیریشلارینا و بیر نئچه دفعه اینسانلارین طیارهلرین ائنیش مخانیزمیندن یئره دوشهرک اؤلمهسی حاللارینا باخمایاراق، هله ده اینسانلارین اؤلکهنی ترک ائتمک اومیدی ایله هاوا لیمانینا آخینی موشاهیده ائدیلیر.