"ایرانا قارشی قطعی ساواش قراری آلمیشدیق"
حسن روحانی، دانیشیقلار یولو ایله ساواشین قارشیسینی آلدیقلارینی سؤیله‌دی
ایران پرزیدنتی حسن روحانی ۲۰۱۳.جو ایلده وظیفه‌یه باشلایاندا، اؤنونده ساواش و باریش سئچه‌نکلرینین اولدوغونو بیلدیررک، دانیشیقلار یولو ایله ساواشین قارشیسینی آلدیقلارینی سؤیله‌دی.
حسن روحانی جمهورباشقانی اولاراق ایران دؤولت تلویزیونونا وئردیگی سون مصاحبه‌سین‌ده پاریسده فرانسانین اسکی پرزیدنتی فرانسوا اولاندین اونا "۵+۱ اؤلکه‌لری اولاراق ایرانا قارشی قطعی ساواش قراری آلمیشدیق، آنجاق سیز وظیفه‌یه گلینجه و دانیشیقلارا حاضر اولدوغونوزو بیلدیردینجه ساواشدان واز گئچدیک" دئدیگینی دیله گتیردی.
نوکلئر آنلاشما‌دا ۵+۱ اؤلکه‌لری ایله گؤروشدوکلرینی آنجاق اصلین‌ده آمریکا ایله دانیشیقلار آپاردیقلارینی قید ائدن روحانی، "بو گون اصلین‌ده آمریکا ایله دانیشیریق. وینده ۴+۱ اؤلکه‌لری ایله دانیشیریق و آمریکا ایله گؤروشموروک آنجاق اصلین‌ده دانیشیقلارین دیگر طرفی آمریکادیر" دئدی.
ایران‌دا گله‌جک حکومتین ان اؤنملی گۆنده‌مینین مذاکره‌لر اولاجاغینی وورغولایان روحانی، "ایلیشکی قورماق‌دان باشقا بیر یول یوخدور" دئدی.
