ایران‌دا کورونایا یولوخما ساییسین‌دا یئنی رکورد

ایران‌دا ایندییه قدر ۱۳ میلیون ۸۱ مین ۱۷۴ دوز واکسن وورولدوغو آچیقلاندی

1684294
ایران‌دا کورونایا یولوخما ساییسین‌دا یئنی رکورد

ایران‌دا یئنی نسیل کوروناویروس سالقینین‌دا، ۳۷ مین ۱۸۹ ایله گونلوک یولوخما ساییسین‌دا یئنی بیر رکورد ثبت ائدیلدی.

ساغلیق باخانلیغیندان وئریله‌ن آچیقلامادا،خسته ساییسی و اؤلوملر ایله بیرلیکده آشی بیلگیلری ده پایلاشیلدی.

سون ۲۴ ساعات عرضین‌ده ۳۷.۱۸۹ نفرده ویروس آشکارلانماسی ایله گونلوک یولوخما ساییسین‌دا یئنی بیر رکورد قیریلان اؤلکه‌ده، بونلاردان ۴۳۱۷نین خسته‌خانایا یئرلشدیریلدیگی بیلدیریلدی.

بئله‌لیکله، خسته ساییسینین ۳ میلیون ۹۴۰ مین ۷۰۸ نفره یوکسلدیگی ایران‌دا، ۴۱۱ نفرین اؤلومو ایله بیرلیک‌ده توپلام جان ایتکیسینین ۹۱ مین ۴۰۷ اولدوغو بیلدیریلدی.

تخمیناً ۸۳ میلیون جمعیتی اولان اؤلکه‌ده آشینین ایلک دوزو ۱۰ میلیون ۲۸۵ مین ۴۹۴ نفره، ایکینجی دوزو ایسه ۲ میلیون ۷۹۵ مین ۶۸۰ نفره وورولدوغو بیلدیریلدی. اؤلکه‌ده ایندییه قدر ۱۳ میلیون ۸۱ مین ۱۷۴ دوز واکسن وورولدوغو آچیقلاندی.



ایلگیلی‌لی خبرلر