تهراندا رژیم قارشیدی گؤستری
اعتراضچیلار، باشکندین ان حرکتلی نقطهلریندن بیری اولان جمهوری جادهسینده توپلاندی
ایرانین باشکندی تهراندا الکتریک کسیلمهلرینه اعتراض ائتمک مقصدیله توپلانان وطنداشلار رژیم علیهنه شعارلار وئردی.
وطنداشلار، باشکندین ان حرکتلی نقطهلریندن بیری اولان جمهوری جادهسینده توپلاندی.
سوسیال مئدیادا یایینلانان گؤرونتولرده قالابالیغین "دیکتاتورا اؤلوم"، "ملالار گئتمهلی" و "نه غزه نه لبنان جانیم ایرانا قوربان" کیمی شعارلارین یانیندا ۱۹۷۹.جو ایلدکی انقلابین آردیندان دئوریلن ایران شاهی محمد رضا پهلوی لهینه ده شعارلار وئردیگی گؤرولور.
ایراندا یاز ایستیلرینین آرتماسییلا بیرلیکده اؤلکهده یاشانان الکتریک کسیلمهلری سببیله بیر چوخ شهرده اعتراض گؤستریلری تشکیل ائدیلیر.
اؤته یاندان اؤلکهنین گونئی باتیسیندا عربلرین اکثریتده اولدوغو خوزستان ایالتینده ده ۱۵ جولایدان بو یانا قوراقلیق سببیله یاشانان سو کسیلمهلرینه قارشی گؤستریلر ائدیلیر.
ایرانلی مسئوللار، خوزستانداکی گؤستریلرده بو آنا قدر ۵ گؤستریچی ایله بیر پلیسین حیاتینی ایتیردیگینی آچیقلامیشدی. مقاملار، گؤستریچیلرین تخریباتچی قروپلار طرفیندن اؤلدورولدویونو ادعا ائدیر. اولوسلارآراسی عفو هؤرگوتو ایسه گوونلیک گوجلرینین ان آز ۸ گؤستریچینی اؤلدوردوگونو ادعا ائتمیشدی.