گیرپدرسون موسکووادا سرگئی لاوروو ایله گوروشوب
بمت-نین سوریه اوزره خصوصی نومایندهسی گیر پدرسون روسیانین پایتاختی موسکوادا بو اؤلکهنین خاریجی ایشلر ناظیری سرگئی لاوروو ایله گؤروش کئچیریب.
"سوریه-ده 10 نفردن 9-و یوخسوللوق ایچینده یاشاییر".
بونو بمت-نین سوریه اوزره خصوصی نومایندهسی گیر پدرسون روسیانین پایتاختی موسکوادا بو اؤلکهنین خاریجی ایشلر ناظیری سرگئی لاوروو ایله گؤروشوندن اول وئردیگی آچیقلامادا دئییب.
گیر پدرسون سوریه-دهکی اقتصادی وضعیتی قیمتلندیرهرک، "سوریه-دهکی اقتصادی وضعیت سون درجه چتیندیر. سوریه-دهکی 10 نفردن 9-و یوخسوللوق ایچینده یاشاییر" دئییب.
گیر پدرسون سوریه-نین تخمینن 3 بؤلگهیه بؤلوندوگونه دقت چکهرک، "بوتون بونلارین دییشدیریلمهسینه احتیاج وار، اما بونو ائتمک اوچون بیرلشمیش میللتلر تشکیلاتینین تهلوکهسیزلیک شوراسینین 2254 سایلی قطعنامهسینی نئجه تطبیق ائدجگیمیزی تعیین ائتملییک" دئیه وورغولاییب.
بیرلشمیش میللتلر تشکیلاتینین تهلوکهسیزلیک شوراسینین 2254 سایلی قطعنامهسینین اینسانی مسئلهلره اویغونلاشدیریلماسینین واجیبلیگینه ایشاره ائدن گیر پدرسون بمت-نین بو مؤوضوع دا الیندن گلنی ائدجگینی سؤیلهییب.
سرگئی لاوروو دا بو گؤروشون اهمیتینی ده وورغولالایاراق، "بو، خصوصیله سوریه آنایاسا کومیتهسینین ایجلاسینین یاخین زاماندا کئچیریلهجگی اومیدی ایله قیمتلندیرمه آپارماق و ایرهلییه گئتمک اوچون بیر فورصتدیر" دئییب.