خوزستان: بیر پلیس حیاتینی ایتیردی، بیر گؤستریچی اؤلدورولدو
سوسیال مئدیادا یئر آلان گؤرونتولره گؤره، ایذه شهریندهکی یوزلرله گؤستریچی، اؤلکه لیدئری علی خامنهاینی هدف آلاراق، "خامنهاییه اؤلوم" شعارلاری وئردی
ایراندا عربلرین اکثریتده اولدوغو خوزستان ایالتینده سو کسیلمهلری سببیله داوام ائدن اعتراضلارین ۶.جی گونونده بندر ماهشهر شهرینده بیر پلیس حیاتینی ایتیردی، ایذه شهرینده بیر گؤستریچی اؤلدورولدو.
ایرانین رسمی خبر آژانسی ایرنایا دانیشان خوزستان ایالتینه باغلی بندر ماهشهر والی کؤمکچیسی فریدون بندری، آخشام ساعاتلاریندا شهرده یاشانان حادثهلره باغلی بیلگی وئردی.
بندری،
"گؤستریچیلرین طالقانی قصبهسینده بیر دامدان آتیش ائتمهلری نتیجهسینده پلیس مأمورلاریندان بیری حیاتینی ایتیردی و بیر باشقاسی دا یارالاندی" دئدی.
والی کؤمکچیسی بندری، حادثه ایله باغلی سوروشدورما باشلادیلدیغینی سؤیلهدی.
خوزستان ایالتیندهکی گؤستریلر۶.جی گونونده اهواز، ایذه، ماهشهر، خرمشهر، آبادان، سوسنگرد و شادگان شهرلرینده داوام ائدیر، گؤستریچیلرله پلیس آراسیندا چاتیشما چیخدیغی ایفاده ائدیلیر.
سوسیال مئدیادا یئر آلان گؤرونتولره گؤره، ایذه شهریندهکی یوزلرله گؤستریچی، اؤلکه لیدئری علی خامنهاینی هدف آلاراق، "خامنهاییه اؤلوم" شعارلاری وئردی.
عینی شهرده پلیسین سلاحلی مداخلهسینده گؤستریچیلردن محمد عبداللهینین حیاتینی ایتیردیگی ادعا ائدیلدی.
بئلهجه حیاتینی ایتیرهن گؤستریچیلرین ساییسی ان آز ۴ اولدو.
گوونلیک گوجلرینین گؤز یاشاردیجی گاز و سلاح قوللاندیغی گؤستریلرده سوسنگرد شهرینده آکتیویستلر طرفیندن بیر تانک یاندیریلدی.
خوزستان ایالتینین اؤنملی سو قایناقلاریندان "هورالعظیم" گؤلمچهلرینین و کرخه چایینین قوروماسی و کارون چاییندان باشقا بؤلگهلره سو آپاریلماسی اوچون حاضرلانان پروژهیه ایجازه وئریلمهسینین آردیندان اورتایا چیخان ایچمه سویو پروبلئمی سببیله حمیدیه، بستان، شادگان، شوش دانیال و ماهشهر شهرلرینده ۱۴ جولای چرشنبه گونو آخشام ساعاتلاریندا گؤستریلر باشلامیشدی.
چیخان حادثهلرده ان آز ۳ گؤستریچینین حیاتینی ایتیردیگی ایفاده ائدیلمیشدی.
ایلگیلیلی خبرلر
ایسرائیل اوردوسو لبنانین گونئیینه هاوا هوجومو ائندیریب
ایسرائیل اوردوسونا مخصوص ساواش اوچاقلاری لبنانین گونئیینده ان آزی 13 دفعه 4 نقطهنی ووروب