اعتراضچیلار اهواز - شوش یولونو باغلادی

گؤستریلره قاتیلانلارین عربجه اولاراق، "جانیمیز و قانیمیز کارونا و اهوازا فدا اولسون"، "ذلته تسلیم اولمامیز محال‌دیر" شکلین‌ده شعارلار سسلندیردیکلری گؤرولدو

1676771
اعتراضچیلار اهواز - شوش یولونو باغلادی

ایراندا خوزستان ایالتین‌ده سو کسیلمه‌لرینه قارشی اعتراضلار داوام ائدیر
عربلرین اکثریتده اولدوغو خوزستان ایالتین‌ده‌کی سو کسیلمه‌لری سببی ایله باشلایان اعتراض گؤستریلری داوام ائدرکه‌ن، گؤستریلرده، ۱ نفر حیاتینی ایتیردی.
یئرلی قایناقلاردان آلینان بیلگیلره گؤره، خوزستان ایالتینه باغلی اهواز، سوسنگرد، حمیدیه و هویزه شهرلری ایچمه سویو کسیلمه‌لری سببیله گؤستریلره صحنه اولدو.

ایالتده‌کی سو قیتلیغینا حل یولو تاپیلماسینی طلب ائد‌ن شهر ساکینلری قالابالیق قروپلار حالین‌دا کوچه‌لره تؤکولدو. گؤستری‌چیلر، خوزستان‌داکی کارون چایین‌دان باشقا بؤلگه‌لره سو گؤندرن پروژلرین ده سو قیتلیغینا سبب اولدوغو سببی ایله دوردورولماسی اوچون حکومته چاغیری ائتدی.

 سوسیال مئدیا حسابلارین‌دا یئر آلان گؤرونتولرده، گؤستریلره قاتیلانلارین عربجه اولاراق، "جانیمیز و قانیمیز کارونا و اهوازا فدا اولسون"، "ذلته تسلیم اولمامیز محال‌دیر" شکلین‌ده شعارلار سسلندیردیکلری گؤرولدو.

گؤستری‌چیلرین بیر قیسیمینین شوش-اهواز یولونو ترافیکه باغلایاراق یولدا اود یاندیرما‌سینین آردین‌دان پلیسین گؤستریچیلری داغیتماق اوچون آتیش ائتدیگینه دایر گؤرونتولر ده سوسیال مئدیا حسابلارین‌دان پایلاشیلدی.

ایران رسمی آژانسی ایرنایا دانیشان شادگان فرمانداری اومید صبریپور، سو قیتلیغینا تپکی وئره‌ن خالقین دونن گئجه اعتراض گؤستریسی تشکیل ائتدیگینی سؤیله‌دی.

گؤستریلر سیراسین‌دا بیر نفرین حیاتینی ایتیردیگینی بیلدیره‌ن صبریپور، "قوراقلیغین ندنی ایله بعضی اینسانلارین تشکیل ائتدیگی گؤستری سیراسین‌دا فورصت‌چی و پرووکاتورلار گؤستریچیلردن بیرینی ووراراق اؤلدوردو" دئدی.

ایران سون هفته‌لرده اؤلکه‌ده یاشانان توپ‌لو الکتریک کسیلمه‌لری سببیله ده باش‌دا تهران اولماق اوزره گؤستریلره صحنه اولموشدو.



ایلگیلی‌لی خبرلر