ربیعی: سابوتاژ اولدوغونو دوغرولامیشدیق

"صهیونیست رئژیم بو سالدیریلاری ایرانلا دانیشیقلارا احتیاج اولمادیغی مئساژینی وئرمک اوچون تشکیل ائدیر"

1670795
ربیعی: سابوتاژ اولدوغونو دوغرولامیشدیق

ایران حکومتینین سؤزچوسو علی ربیعی، ایرانین اتم انرژی‌سی آژانسینا عاید بیر بینایا قارشی تخریباتین قیسمی زیانا سبب اولدوغونو سؤیله‌دی.

 علی ربیعی، باشکند تهران‌دا مطبوعات توپلانتیسین‌دا ژورنالیستلرین سواللارینی جاوابلاندیردی.

ربیعی، ۲۳ ژوئنده اتم انرژی‌سی آژانسینا عاید بیر بینایا قارشی تخریباتلا باغلی،

"سابوتاژ اولدوغونو دوغرولامیشدیق و بیر داها تایید ائدیریک. بو ائیلم انسانی بیر ضرره سبب اولمادی. تجهیزاتا ووردوغو زیان دا چوخ دئییل" دئدی.

ربیعی، "صهیونیست رژیم بو سالدیریلاری ایرانلا دانیشیقلارا احتیاج اولمادیغی مئساژینی وئرمک اوچون تشکیل ائدیر. بو گونه قدر اولان تخریبات ظرفیتیمیزی آرتیردی. داها اؤنجه فردو نوکلئر تاسیسلرین‌ده تخریبات سالدیریسی اولموشدو و بیز بورادا داها دا ایرلیله‌دیک" ایفاده‌لرینی ایشلتدی.

ایران دؤولت تلویزیونو ۲۳ ژوئن تاریخین‌ده ایرانین اتم انرژی‌سی آژانسینا عاید بینالاردان بیرینین باشاریسیز تخریبات گیریشیمینین هدفی اولدوغونو آچیقلادی. گوونلیک قوروملارینین چاباسی ایله تخریباتین اینسان ایتکیسینه و یا مادی زیانا سبب اولمادان قارشیسینین آلیندیغی ایفاده ائدیلدی.



ایلگیلی‌لی خبرلر