روحانی، خالق‌دان صاندیغا گئتمه‌لرینی ایسته‌دی
"دونیانین هر طرفین‌ده‌کی دوشمنلریمیز سئچیم صفلرینین اولماسینی ایسته‌میر"
ایران جمهورباشقانی حسن روحانی، اؤلکه‌یه دوشمن اولان گوجلرین یارین ائدیله‌جک جمهورباشقانلیغی سئچیملرین‌ده قاتیلیمین دوشوک قالماسینی ایسته‌دیگینی ایفاده ائد‌رک، خالق‌دان صاندیغا گئتمه‌لرینی ایسته‌دی.
ساغلیق باخانلیغی طرفیندن گرچکلشدیریلن پروژه‌لرین آچیلیش مراسیمینه ویدئو کنفرانس یولویلا قاتیلان روحانی، خالقا "صاندیغا گئده‌رک اوی وئرمه‌لری" چاغیریشی ائد‌رک،
"دوشمنلریمیز آز قاتیلیملی بیر سئچیم ایسته‌ییر. یوکسک بیر قاتیلیملا صاندیق باشینا گئده‌رک دوشمنین آرزوسونون گرکلشمه‌سینه ایجازه وئرمه‌یک. دونیانین هر طرفین‌ده‌کی دوشمنلریمیز سئچیم صفلرینین اولماسینی ایسته‌میر" ایفاده‌لرینی ایشلتدی.
هر کسین اؤزونه یاخین گؤردویو نامیزده سس وئرمه‌سینی ایسته‌یه‌ن روحانی، بونلاری قید ائتدی:
"بیر قوروم یا دا توپلولوغون یانلیشی بیزی ملی وظیفه‌میزدن اوزاق توتمامالی. گئچه‌ن هفته‌لرده سئچیملره ماراق آز ایدی. گلیشمه‌لر ماراغی آرتیرابیلمه‌دی. خالقین اؤزو بونو تلافی ائده بیلر".
