ایراندا ائدیلهجک جمهورباشقانلیغی سئچیمینه باغلی سورغو
سورغویا قاتیلانلارین یوزده ۷۱ی "ایراندا اؤزگورلوگون اولمادیغی و سئچیملرین بیر فایداسینین اولمادیغی" سببیله صاندیغا گئتمهیهجگینی آچیقلادی
ایراندا ۱۹ یاش اوستو شخصلرله ائدیلهن سئچیم سورغو چالیشماسیندا قاتیلیمچیلارین تخمیناً یوزده ۷۵ی، ۱۸ ژوئنده تشکیل ائدیلهجک جمهورباشقانلیغی سئچیملرینده اوی وئرمهیهجکلرینی سؤیلهدی.
هلند مرکزلی ایرانلیلار آنکت قروپو (گمان) طرفیندن، آنلاین اولاراق ۲۷ می-۳ ژوئن تاریخلرینده آپاریلان سورغو چالیشماسینین نتیجهلری، ایران خالقینین ۱۸ ژوئنده ائدیلهجک جمهورباشقانلیغی سئچیملرینه باغلی دوشونجهلرینی اورتایا قویدو.
سورغویا قاتیلان ۱۹ یاش اوستو ۸۰ مین نفرین تخمیناً یوزده ۷۵ی صاندیغا گئتمهیهجکلرینی ایفاده ائدرکهن، یوزده ۱۸ی رای وئرهجگینی، یوزده ۶ی ایسه قرارسیز اولدوغونو ایفاده ائتدی.
اشتراکچیلارین یوزده ۷۱ی "ایراندا اؤزگورلوگون اولمادیغی و سئچیملرین بیر فایداسینین اولمادیغی" سببیله، یوزده ۷سی "نامیزدلرین بیر چوخونون النمهسی"، یوزده ۲سی ده "یئنی نسیل کوروناویروس سالقینی" سببیله صاندیغا گئتمهیهجگینی آچیقلادی.
آنکته قاتیلان شخصلرین یوزده ۵۹و محافظهکار سیاستچی ابراهیم رئیسییه، یوزده ۸ی ده محافظهکار سعید جلیلییه سس وئرهجکلرینی دیله گتیردی.
یوزده ۳لوک کسیم اصلاحاتچیلارا یاخینلیغییلا بیلینهن عبدالناصر همتی، یوزده ۲،۵ محافظهکار محسن رضایی، یوزده ۱لیک کسیم ده اصلاحاتچی محسن مهرعلیزاده و محافظهکار نامیزدلر امیر حسین قاضیزاده هاشمی و علیرضا زاکانی لهینه اوی وئرهجکلرینی قید ائتدی.
قاتیلیمچیلارین یوزده ۱۶ی کیمه سس وئرجگی قونوسوندا قرارسیزکهن، یوزده ۹و دا گئچرسیز رای وئرهجگینی سؤیلهدی.