ایسرائیل غزه‌ده بیر چوخ بؤلگه‌نی ووردو

ایندییه قدر ۵۹و اوشاق، ۳۵ی قادین اولماق اوزره ۲۰۰ نفر حیاتینی ایتیردی

1640612
ایسرائیل غزه‌ده بیر چوخ بؤلگه‌نی ووردو

ایسرائیل اوردوسونا عاید ساواش اوچاقلاری، گئجه ساعاتلارین‌دا غزه‌نین گونئی، باتی و قوزئی بؤلگه‌لرین‌ده چوخ ساییدا نقطه‌نی بومبالادی.

ایسرائیل ساواش اوچاقلاری، فیلیسطین مقاومت گوجلرینه عاید بعضی نقطه‌لری، اکین‌چی‌لیک اراضیلرینی، جاده‌لری و آلت‌یاپینی هدف آلارکن، سالدیریلار نتیجه‌سین‌ده غزه‌نین گونئی و باتیسیندا بعضی گوونلیک مرکزلری ده ییخیلدی.

سالدیریلارین بعضی بینا و ائولرین یانین‌دا جاده و کوچه‌لرده بؤیوک زیانا یول آچدیغی، هدف آلینان نقطه‌لره یاخین بؤلگه‌لرده الکتریک کسیلمه‌لری یاشاندیغی و کانالیزاسیون، سو و الکتریک شبکه‌لرینین ضرر گؤردویو ایفاده ائدیلدی.

ایسرائیله عاید ساواش اوچاقلارینین، غزه‌نین گونئیینده یئر آلان رفح و خان یونس شهرلرین‌ده‌کی بعضی ائولری و اکین‌چی‌لیک اراضیلرینی ده بومبالادیغی بیلدیریلدی.

دنیزده یئر آلان ایسرائیل ساواش گمیلرینین ده، غزه ساحلینه دوغرو آتیش ائتدیگی قید ائدیلدی.

سالدیریلار نتیجه‌سین‌ده دیر البلح ایله غزه‌ده ۲ ائوین ییخیلدیغی بیلگیسی پایلاشیلدی.

حماسین عسگری قانادی عزالدین القسام  توغایلارین‌دان وئریلن آچیقلامادا دا وطنداشلارا قارشی سالدیریلارا جاواب اولاراق ایسرائیلین بئرشبع و عسقلان شهرلری ایله بعضی یئرلشیم یئرلرینه راکت آتیشلاری ائدیلدیگی قید ائدیلدی.

اسلامی جهاد حرکتینین عسگری قانادی قدس توغایلاری دا غزه‌ده وطنداشلاری هدف آلان سالدیریلارا قارشی‌لیق، غزه سرحدین‌ده یئر آلان ایسرائیلین سدروت، نتیوت و هانیگف شهرلرینه آغیر راکت سالدیریلاری تشکیل ائتدیگینی آچیقلادی.

ایسرائیل غزه‌یه ۱۰ می‌دن بو یانا تشکیل ائتدیگی سالدیریلاردا ایندییه قدر ۵۹و اوشاق، ۳۵ی قادین اولماق اوزره ۲۰۰ نفر حیاتینی ایتیردی، مین ۳۰۷ نفر یارالاندی؛ اونلارلا بینا ایسه تامامیله ییخیلدی و یا قوللانیلماز حالا گلدی.


اتیکتلر: #رفح , #ایسرائیل , #غزه

ایلگیلی‌لی خبرلر