ظریفین گیزلی مصاحبه‌سینین سیزدیریلماسییلا باغلی سوروشدورما

"ظریفی میللی امنیت و خاریجی سیاست کمیسیونونا دعوت ائدیریک. کمیسیون، سس فایلینین ایچریگی و بو فایلین نیه و نئجه سیزدیریلدیغینی آراشدیراجاق"

1629539
ظریفین گیزلی مصاحبه‌سینین سیزدیریلماسییلا باغلی سوروشدورما

ایران‌دا خاریجی ایشلر باخانی ظریفین گیزلی مصاحبه‌سینین سیزدیریلماسییلا باغلی ساوچیلیق سوروشدورما باشلادیلدی
ایران خاریجی ایشلر باخانی محمد جواد ظریفین حکومت آرشیولرین‌دن اوغورلاندیغی آچیقلانان گیزلی مصاحبه‌سین عاید سس فایلی ایله باغلی ساوچیلیق سوروشدورماسی باشلادیلدیغی بیلدیریلدی.
تهران باش ساوچیلیغی طرفین‌دن وئریله‌ن یازی‌لی آچیقلامادا، سوروشدورمانین، خاریجی ایشلر باخانی ظریفین گیزلی قالماسی لازیم اولان سس فایلینین سیزدیریلماسین‌دا رول آلان شخصلرین معین ائدیلمه‌سی مقصدینی داشیدیغی قید ائدیلدی.

سوروشدورمانین، اؤلکه‌نین ایچ و یا خاریجی سیاستیله باغلی پلان و سیرلری، بو ایشده الی اولانلارا جزالاری ایچرن ایسلامی جزا قانونونون ۵۰۱.جی ماده‌سی چرچیوه‌سین‌ده آچیلدیغی ایفاده ائدیله‌رک، سوچ فاعللرینین معین ائدیلمه‌سی و سوچون نئجه ایشلندیگینین تثبیت ائدیله‌بیلمه‌سی اوچون امنیت بیریملرینه تاپشیریقلارین وئریلدیگی قید ائدیلدی.

اؤته یان‌دان ایران رسمی آژانسی ایرنایا گؤره، مجلیس میللی امنیت و خاریجی سیاست کمیسیونو باشقانی مجتبی ذوالنور، "ظریفی میللی امنیت و خاریجی سیاست کمیسیونونا دعوت ائدیریک. کمیسیون، سس فایلینین ایچریگی و بو فایلین نیه و نئجه سیزدیریلدیغینی آراشدیراجاق" دئدی.



ایلگیلی‌لی خبرلر